БЫЕЛ ДА "МИН ТАТАРЧА СӨЙЛӘШӘМ"!

26 апрель! Бауман урамы! 16.00! Әйтмәсәк тә беләсең: нәкъ менә шул урында, шул вакытта “Мин татарча сөйләшәм!” акциясе узачак! 

Бөтендөнья татар яшьләре форумы рәисе Тәбрис Яруллин ярымшаярып:
- Юкка гына акциябез быел 13нче тапкыр уздырылмыйдыр. 13 саны куркыныч сан дип исәпләнгән кебек, агымдагы ел да татар теленә нисбәтле күңелсез вакыйгаларга шактый бай булды, - диде, - шушы еллар дәвамында төрле форматларны сынап карадык: велосипед, машиналарда сәяхәткә чыктык, Интернетта татарча комментарийләр калдырдык, флешмоблар оештырдык, урамнарга чыгып кешеләрне татарча сөйләштердек һ.б.

Акция берничә чарадан гыйбарәт. Алар арасыннан “Тяжело с татарским” антипремиясен тапшыру, “Татар-дозор” квест уены һәм әлбәттә инде 26 апрель көнне Бауман урамында уза торган концертны билгеләп узу кирәк.

[embed]https://youtu.be/PVVeEia0cXM[/embed]

Тугызынчы тапкыр үткәрелгән “Татар-дозор” уены Казанда иң масштаблы квестлардан санала. Квест-уенны оештыручыларның берсе Динә Гатина-Шәфикова: “Ник татар телендә генә уздырасыз?” диючеләр бар. “Татар-дозор” берничек тә русча була алмый. Әгәр катнашырга телиләр икән, татарча өйрәнергә кирәк булачак”.

Быелгы акциянең иң төп яңалыкларының берсе - концертка “Мой парень татарин”ны җырлап танылган “Аигел” дуэты киләчәк. Шулай ук чыгыш ясаучылар арасында Альберт Нурминский, Juna, Gauga, Рәдиф Кашапов, K-Ru, Илгиз Шәйхразиев, Tatar Boy һ.б.лар да бар.


“Мин татарча сөйләшәм ” турында кызыклы фактлар:


- 13 ел рәттән уздырыла;

- быел акция шәһәрчеләр кичәсе белән башланып китте, Казанда 21 татар яшьләре берләшмәсе эшләп килә;

- өченче ел рәттән музыкаль бәйге оештырыла, быел 16 яшь башкаручы финалга чыккан;



- 22 апрель көнне булып узган “Татар-дозор” квест-уенында 40 команда, 500 кеше катнашкан;

- башка милләтләр арасыннан марилар һәм саха халкы “Мин татарча сөйләшәм”гә охшатып “Мый марла өйлем” һәм “Мин сахалыы сангарабын” чараларын уздыра;



- “Мин татарча сөйләшәм” концертында 13 ел эчендә 50дән артык музыкант чыгыш ясаган.

Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    679
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    540
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    332
    0
    0

Блоглар