"БОЛЬШАЯ ПЕРЕМЕНА" ("ОЗЫН ТӘНӘФЕС") БӘЙГЕСЕНЕҢ ЯҢА ЭТАБЫ СТАРТ АЛДЫ!

Мәктәп укучылары өчен «Россия – мөмкинлекләр иле» Президент платформасы проекты «Большая перемена» («Озын тәнәфес») Бөтенроссия бәйгесенең яңа этабы старт алды! Искәртеп узарга кирәк, кейс биремнәрен  үтәү өлеше 2020 елның 22 июленә кадәр Большаяперемена.онлайн сайтында узачак.

«Командалар ярышы» этабында катнашучыларга 2-5 кешедән торган төркемнәр тупларга һәм яраткан педагог – остазны чакырырга туры киләчәк. Ул мәктәп укытучысы, спорт секциясе тренеры яки сәнгать мәктәбе мөгаллиме була ала. Катнашучылар команда белән берлектә кейс биремнәрен чишәчәк.

«Россия – мөмкинлекләр иле» АКБО генераль директоры Алексей Комиссаров хәбәр иткәнчә, бәйгедә катнашучылар өчен конкурсның 9 тематик юнәлеше буенча 58 кейс әзерләнгән. «Бу нинди дә булса тармак проблемасына багышланган практик биремнәр. Катнашучыларга төрле карашларны анализларга һәм алар нигезендә үз чишелешләрен табарга кирәк булачак. Кейс биремнәре тирән белемнәрне күрсәтүне генә түгел, актив гамәлләр дә таләп итә: кемгәдер схема яки модель булдырырга кирәк булачак, кемдер проектны үстерү концепциясен яки бизнес-планны эшләячәк, ә кемдер үзләренең иҗади талантларын күрсәтәчәк», - дип билгеләп үтте Алексей Комиссаров.

Әйтеп узарга кирәк, бәйге өчен кейслар булдыруда Россиянең 30дан артык эре компаниясе һәм югары уку йорты катнашкан. «Командалар ярышы» нәтиҗәләре буенча ярымфиналга исә  төркемнәрнең лидерлары һәм остазлары чыгачак дип көтелә.

«ПроеКТОриЯ» проекты директоры Светлана Патрикеева «Командалар ярышы» конкурсның хәлиткеч этабы булачак, дип билгеләп үтте. «Әгәр алдагы этапларда балалар кызыклы дип тапкан эшләрне гамәлгә ашырырга планлаштырсалар, бәйгенең бу өлешендә исә бөтенләй башка бурычлар көтелә, ягъни катнашучыларга үзләрен сүз белән генә түгел, ә эш белән күрсәтергә, дөньяны үзләре сайлаган юнәлештә үзгәртеп корырга туры киләчәк. Аларга исә төрле бурычлар тәкъдим ителәчәк: арт-киңлекне яки тавыш ярдәмчесе өчен күнекмәләрне проектлау, «акыллы» шәһәр концепциясен яки уникаль туристик маршрутны булдыру, фәнне популярлаштыру яки шәхси мәгълүматларны киберкуркынычтан ничек саклау...», – дип өстәде Светлана Патрикеева.

Бәйгенең дистанцион этабыннан соң экспертлар комиссиясе эшли башлаячак. «Большая перемена» («Озын тәнәфес») ярымфиналлары барлык федераль округларда узачак, ә финал исә агымдагы елның октябрендә булачак дип көтелә.

«Большая перемена» («Озын тәнәфес») – 8-10 сыйныф укучылары өчен белем алу, үсеш һәм аралашу өчен зур мөмкинлек! Биредә 1 миллионнан артык өлкән сыйныф укучысы катнаша. Бәйге исә 9 тематик юнәлеш буенча үткәрелә: журналистика һәм яңа медиа, сәнгать һәм иҗат, экология, яшәү мохите, сәламәт яшәү рәвеше, фән һәм технология, яхшылык, сәяхәт һәм туризм, тарихи хәтер.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2235
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1694
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1312
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019