БӨЕКБРИТАНИЯДӘ ТАТАР ЕГЕТЕ АУТИЗМ БЕЛӘН АВЫРУЧЫ БАЛАЛАРГА БАГЫШЛАНГАН КОМИКС ЧЫГАРГАН

Яшь татар рәссамы Тимур Әхмәдҗанов Әзербәйҗан язучысы Камран Салаевның «Elish and wicker tale»Илиш һәм үрелгән тарихлар») әсәренә нигезләнгән комикс ясаган. Әлеге комикс Hertfordshire Press нәшриятында инглиз телендә басылган.

Әлеге әсәр социализация белән кыенлыклары булган Илиш исемле малай турында. Сюжет үзгәрү процессында Илиш әлеге проблемаларны чишә. Комикс, әсәр кебек үк аутизмлы балаларга багышланган. Бу комикс ярдәмендә рәссам шундый үзенчәлекләре булган балалар проблемасына җәмәгатьчелек игътибарын юнәлдерергә тели. Комиксны нәшер итү онлайн-платформадагы Indiegogo краудфандинг кампаниясе ярдәме белән тормышка ашырылган.

Краудфандинг кампаниясендә әлеге проектка 25 илдән 220 кеше ярдәм иткән. Алар арасында актёр Тим Бентинк, музыкант Мэтт Сэвидж, язучылар, җәмәгать эшлеклеләре һәм башкалар бар.

Киләсе берничә айда төрле илләрдә турне һәм онлайн-презентацияләр уздыру каралган.

Hertfordshire Press бу китапны рус, кыргыз, казах телләренә тәрҗемә итә һәм татар теленә тәрҗемә итү өчен партнёрлар эзли. Комиксның оригиналына онлайн-кибетләрдә алдан заказ ясарга була.

Әлеге нәшриятнең моңарчы татар, башкорт авторларын инглиз теленә тәрҗемә итеп бастырганы бар. Шулар арасында – Ленар Шәехнең «One of You» шигъри җыентыгы.

Комиксның авторы – Лондон кино академиясе студенты Тимур Әхмәдҗанов. Ул Үзбәкстанда татар гаиләсендә дөньяга килгән. Хәзерге көндә гаиләсе белән Бөекбританиянең Рагби шәһәрендә яши. Камран Салаевның китабыннна тыш, Тимур якут язучысы Огдоның «Меник» әкиятен һәм казах язучысы Баянгали Алимҗановның «Сказ столетнего степняка» китабын инглиз теленә тәрҗемә итеп, иллюстрацияләр ясаган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    820
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    586
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    481
    0
    0

Блоглар