“БИК МАТУР” бул!

“Ялкын” журналы яшүсмерләр өчен татар телендә беренче beauty-show тәкъдим итә! Матур итеп киенергә, дөрес итеп макияж ясарга өйрәтү, кибетләрдән файдалы репортажлар, кызыклы шәхесләр белән очрашулар – бүгеннән башлап барысы да безнең YouTube тагы  каналыбызда!!!

Әлеге проект юктан гына тумады, билгеле. Яшүсмерләр өчен матбугат чарасы буларак, без интернет челтәрендә алар өчен татар телендә файдалы контент булдырырга теләдек. Өстәвенә,  яшүсмерлек – эзләнүләр чоры. Нәкъ менә шушы чорда егет-кызлар матурлык турында уйлана башлый да инде. Кызларны гүзәл итеп киенү, бизәнү серләре кызыксындыра. Алар беренче тапкыр мода, стиль сүзләре белән таныша. Егетләр дә алардан калышмый. Кызлар янында көчле, бар яктан да килгән ир-егетләр булып күренәселәре килә.

“Бертуктаусыз эзләнүләр яшүсмерләрне экспериментларга этәрә, күпмедер дәрәҗәдә комплекслар барлыкка килүгә китерә. Тик соңрак исә шул аңлашыла: яшүсмерләр кимечелек дип кабул иткән ниндидер үзенчәлекләр, киресенчә, өстенлек булып чыга! Шуңа күрә безнең максат – яшүсмерләргә бераз булса да ярдәм итү, үз-үзләренә ышанычны арттыру”, - ди “Бик Матур” проектының координаторы Рәмзия Галимова.

Әлеге проект кысаларында без яшьләргә мода, стиль турында файдалы мәгълүмат бирәбез, “дөрес” трендлар белән таныштырабыз. “Һәркемнең үз шәхси стиле бар. Аны бары тик күрә, тоя белергә генә кирәк. Моңа ирешү өчен исә зәвыкны  нәкъ менә яшүсмерлек чорында тәрбияли башлау сорала”. - ди стилистыбыз Лилия Тимирова.

Визажист Рената Ривер исә яшүсмерләргә макияжда табигыйлыкка басым ясарга киңәш итә. “Артык нык итеп бизәнү әкренләп үткәндә кала. Хәзер кызлар үзләренең өстенлекле якларын ассызыклап, табигый итеп бизәнергә өйрәнде. Бу аларны тагын да чибәр итә ”, - ди ул.

Ә син безнең белән килешәсеңме? Тизрәк безне каналга языл һәм моңа үзең ышанырсың!

Беренче тапшыру:


[embed]https://youtu.be/9W9pryF6qDo[/embed]

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4611
    2
    66
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4251
    3
    60
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    4061
    2
    45

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    449
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019