«БЕЗНЕҢ ЗАМАН» ФЕСТИВАЛЕ: 250 МЕҢ СУМ КЕМГӘ ТӘТЕР?

Балаларның “Созвездие-Йолдызлык” конкурсы булган кебек, Татарстандагы эшләүче яшьләрнең дә үз “Йолдызлыгы” бар. Эшләүче яшьләр арасында ел саен уздырыла торган “Безнең заман” ачык республика телевизион фестивале быел җиденче тапкыр уза. Ул Татарстан Президенты Рөстәм Миңнеханов булышлыгы һәм ЮНЕСКО эшләре буенча Россия Комиссиясе эгидасы белән үткәрелә. Быел фестивальдә катнашырга республиканың 173 предприятие, оешма һәм учреждениеләре гариза тапшырган.

Аның Казан зона этабы “Ленин” мәдәният йортында 26-27 октябрьдә узачак. Татарстан башкаласында катнашучылар үз осталыкларын гына күрсәтеп калмый, ә түгәрәк өстәл һәм мастер-классларда да катнаша. Мисал өчен, номерны уйлаганда креативлык кертү серләренә “Сдвиг” Казан камера театры җитәкчесе Александр Фельдман өйрәтәчәк. Заманча хореография серләренә ГИТИС укытучысы Джон Шенгелия төшендерәчәк. “Ленин” мәдәният йортындагы гала-концертка керү бушлай.

Моңа кадәр фестивальнең сайлап алу этаплары Әлмәт, Зәй, Яр Чаллыда узды. Зона этапларын уңышлы узган конкурсантлар Казанда 13-14 ноябрьдә суперфиналда очрашачак.

Айдар Гайнетдинов, “Созвездие-Йолдызлык” Татарстанның Төбәк яшьләр иҗтимагый оешмасының үсеш буенча директоры, проект җитәкчесе:

– Узачак мастер-класслардан соң катнашучыларның бөтен номерлар сыйфаты тагын да югарырак булачак. Без нәрсә күрәчәгебезгне күз алдына да китерә алмыйм. “Безнең заман” фестивале – ул олылар өчен “Йолдызлык”: сәләтлеләр үсә, эш таба, ләкин сәхнә белән хушлашмый. “Безнең заман” фестивале – республиканың эшләүче яшьләренең зур бер иҗади гаиләсе. Биредә булышлык, консультация, дустанә ярдәмне һәрвакыт табарга мөмкин.

Елдан-ел катнашучыларның саны арта, номерлар сыйфаты да яхшыра. Бу быелгы зона турларында дәлилләнгән: бары тик бик көчле командалар гына фестивальнең суперфиналында катнашу хокукына ия булган.

Иҗади ярышның җиңүчеләре диплом, истәлекле бүләкләр, акчалата премияләргә лаек була. Ә Гран-При иясе күчмә кубок һәм 250 мең сумлык премия белән бүләкләнелә. Фестивальнең республика күләмендәге гала-концерты 16 ноябрьдә “Пирамида” концертлар залында узачак.

фото Мәдәният Министрлыгы сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2461
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2300
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1950
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019