БЕЗ – ДӘҮЛӘТ СОВЕТЫ КУНАКЛАРЫ!

«Ялкын» журналының 95 яшьлек туган көненә багышланган чараларның чираттагысы Дәүләт Советында узды. Бу юлы балалар редколлегиясе Фәрит Хәйруллович Мөхәммәтшин белән очрашуда булып кайтты. Дәүләт Советы рәисе белән «Ялкын»лылар нәрсә турында сөйләште соң? Очрашуда тагын кемнәр катнашты? Бу сораулар сине кызыксындыра икән, әлеге язманы ахырына кадәр укып бетер!

Карлы-буранлы 25нче март кайберәүләрнең хәтерендә бик озакка сакланып калачак. Кайберәүләр дигәнем, ул без – «Ялкын»ның балалар редколлегиясе әгъзалары инде. Бу көнне без Дәүләт Советының кунаклары идек.

Очрашу башланыр алдыннан Парламент үзәгендә, парламентаризм музеенда, Дәүләт Советының утырышлар залында булдык, күп кенә кызыклы фактлар белән таныштык. Аннан соң бик җитди һәм шул ук вакытта үтә җылы очрашу башланып китте.

Фәрит Хәйруллович «Ялкын» журналын балалар гына түгел, олылар да бик теләп укуын әйтте һәм нәкъ менә шушы журналда күп кенә атаклы кешеләрнең беренче адымнары ясалганлыгын ассызыклап үтте.



Шулай ук очрашуда катнашучылар закон кабул итү процессының нечкәлекләре белән дә танышты. Фәрит Хәйруллович икетеллелек принцибына, ягъни законнарның ике дәүләт телендә дә язылуына аеруча зур басым ясады. Очрашуда шулай ук әлеге мәсьәләләрне хәл итүче комиссия рәисе Рауил Шәйдәүләтович Рәхмәтуллин катнашты. Ул да Республикабызда ике дәүләт теленең дә тигез булырга тиешлеген искәртеп үтте. Әйтеп үтәргә кирәк, Рауил Шәйдәүләтович фикеренчә, телләр белү – ул зур байлык. Аның белән килешми мөмкин түгел.

Яңа тел өйрәнү авыр диючеләргә үрнәк итеп, Фәрит Хәйрулловичны гына китерик. Аның татар телен бик соң гына үзләштергәнен белә идегезме әле? Ике ел ярым эчендә ул туган телен өйрәнеп беткән икән. Китапларны кычкырып укып, белмәгән сүзләрне башкалардан сорап, аралаша-аралаша саф татарча сөйләшә башлаган ул. Аның фикеренчә, үз өстеңдә эшләү генә уңышка китерә. Санап бетергесез чыгышларының һәркайсына да ул зур җаваплылык белән, һәр фикерен дәлилләрлек итеп әзерләнә икән.



Телләр һәм милләтләр темасын Татарстанның Халыклар дуслыгы Йорты директоры, Дәүләт Советы депутаты Ирек Илдусович Шәрипов куертып җибәрде. Республикабызда һәр милләтнең үсешенә зур мөмкинлекләр булуын әйтеп узды ул.

«Ялкын»да ун елдан артык эшләгән Разил Исмәгыйлович Вәлиев исә әлеге журнал белән бәйле җылы истәлекләрен яңартты. Аның башка телләрдән тәрҗемә ителгән әсәрләре журнал битләрендә әле дә урын ала.

Менә шундый истәлекле вакыйганың шаһите булдым мин. Мондый очрашуларның әһәмияты бихисап зур, шуңа күрә алар булып торсын иде!



Лилия Гыймазова

Илназ Мөхәрләмов фотолары

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4847
    2
    96
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2877
    1
    81
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2457
    0
    59
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1888
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1580
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    106
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    110
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019