БЕЛЕМ БИРҮ: КИЛӘЧӘКНЕҢ 7 ТРЕНДЫ

Моннан берничә ел элек куркыныч төш кебек кенә тоелган әйберләрнең бүген белем бирү системасында кулланылуы гадәти сыман. Мисал өчен, Ева роботы инде күптәннән Казанның IT-лицеенда укыта, күп кенә укучылар смартфон, гаджетлар белән “син”, дип кенә аралаша һәм башкалар... Тик киләчәктә тагын да текәрәк нәрсәләр көтә бит безне. Бүген берничә елдан безгә дә килеп җитәчәк белем бирү трендлары турында сөйләшәбез.

1. Профессиональ белем алыр алдыннан профессия алу

Мәскәүдә өлкән сыйныф укучыларына үзләрен берничә профессиядә сынарга мөмкинлек бирелә. Әлеге программа Россия башкаласында инде берничә ел дәвамында тормышка ашырыла. Инде хәзер үк анда инженер, медицина, академик, кадет класслары бар.

Яшүсмерләр профессия белән практикада таныша, ә профиль сыйныфлардагы җиһазлар вузныкыннан калышмый. Мисал өчен, укучы-медиклар кешегә беренче ярдәм күрсәтә ала, безнең организмның ничек эшләвен белә. 2019 елдан башлап, 10-11нчеләр өчен мондый сыйныфлар тагын да артачак. Аларга IT-сыйныфлар да килеп кушылачак.

Бу программаның төп максаты – профориентацияне формаль булмаган дәрәҗәгә җиткерү һәм нәтиҗәле итү. Ниндидер профессия турында хыяллану – бер, ә үзеңне сынап карау – бөтенләй икенче. Әлбәттә, эшләп карамыйча, кайсы вузга документ бирергә кирәклеген әйтүе дә кыен бит.

2. Белем бирү экосистемалары

Берьюлы берничә мәктәпне үз эченә алган комплекслар укучыларга да, укытучыларга да күбрәк мөмкинлек бирә. Әгәр бала элек укытучыны сайлый алмаса, комплекслы мәктәпләрдә мондый шанс бар. Укыту комплексларында мәктәп берничә параллель сыйныфтан тора. Шуңа да укучы үзенә ошаган укытучыны сайлап, башка сыйныфка күчә ала. Укытучылар да кайсы сыйныфта укытасын үзләре сайларга мөмкин. Белем бирү экосистемалары мәктәпләрне генә түгел, Мәскәү вузлары, музей, парк, фәнни оешмаларны үз эченә ала.

3. Һәр районда иң яхшы мәктәпләр

Моннан 10 ел элек Мәскәүнең читендә яшәүче укучылар шәһәр үзәгенә агыла иде. Чөнки иң яхшы мәктәпләр дә шунда урнашкан иде. Хәзер Мәскәүнең һәр районында да рейтинглы мәктәпләр һәм гимназияләр бар. Сыйфатлы белем алу өчен бөкедә утыру да кирәкми. Тик, Татарстанга килгәндә, хәзерге вакытта мәктәпләрнең ачык рейтингыннан баш тарттылар.

4. Балалар бакчасы – тулы бер белем бирү баскычы

Мәскәү балалар бакчалары хәзер уен уйнау өчен генә түгел. Биредә балаларның үсешенә, әти-әниләр белән берлектәге проект эшчәнлегенә зур игътибар бирелә. Уен мохите дә интерактив, кызыклы һәм кечкенә шәхесне үстерә торган.

Балалар бакчалары, белем бирү комплекслары составына кергәч, 3 яшьтән үк бала белән бер команда шөгыльләнә булып чыга. Шуңа да биредә һәр балага якын килү, укытучыларның җәлеп ителүе, позитив нәтиҗә каралган.

5. Чит телләр һәм чит ил тәҗрибәсе

Баласының чит тел өйрәнүе һәрбер әти-әнине борчый. Мәскәү мәктәпләре хәзер дөньяда иң яхшы, әйдәп бара торган белем бирү оешмалары белән хезмәттәшлек итә.

6. Мәктәп һәм бизнеснең хезмәттәшлек итүе

Инде хәзердән үк эре корпорацияләр, мәктәпләргә килеп, балаларга профориентация ягыннан булыша. Аларның күбесе урта мәктәп укучылары белән аралашырга тели. Чөнки нәкъ менә алар 10-15 елдан шушы корпорацияләрнең бизнесын алып барачак бит. Яшүсмерләр “Coca-Cola”, “Lego”, “Яндекс” компанияләренең мастер-классларына бик теләп йөри.

7. Цифрлы технологияләр һәм традицион методика

Digital һәм цифрлы технологияләр традицион белем бирүне кысрыкларга тиеш түгел. Иң мөһим бурыч – традицион методикаларга яңа тормыш бирергә, укучы һәм укытучыларга иҗади үсеш өчен яңа мөмкинлекләр тәкъдим итәргә кирәк.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1398
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    468
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    438
    0
    0

Блоглар