БДИны 100 БАЛЛГА ТАПШЫРУЧЫ АВЫЛ ЕГЕТЕ: “ХИРУРГ БУЛЫРГА ТЕЛИМ”

Мамадыш районы Үсәли мәктәбе укучысы Искәндәр Шәрифуллин турында сүзебез. Химиядән БДИны 100 баллга тапшырган һәм хирург булырга теләгән әлеге егет белән “Ялкын” журналы интервью эшләде. Сез дә укып чыгыгыз әле.

Химиядән максималь балл туплау белән беррәттән, егет рус теленнән 91, биологиядән 84 балл җыйган.

Исеме: Искәндәр Шәрифуллин

Туган көне: 25.09.2002

Мәктәбе: Мамадыш районы, Үсәли мәктәбе укучысы

- 100 балл җыя алырмын, дип уйлаган идеңме?

- Югары балл җыям, дип әзерләнгән идем инде. Әлеге максатыма ирешкәч, бик сөендем. Иң беренче бу хәбәрне әнигә җиткердем. Ул да шатланды инде. Барысы да бик куандылар.

- Имтиханга ничек әзерләндең?

- Дәрестә әзерләнүдән тыш, атнага ике тапкыр репетиторга йөрдем. Шулай ук химиядән өстәмә дәресләр дә була иде. “Решу ЕГЭ”, “Наука для себя”, “ЕГЭ на 100 баллов” кебек Интернет-ресурслардан да файдаландым.

- Дистанцион уку вакытында әзерлек ничек барды? Авыр булмадымы?

- Ул вакытта да репетитор белән әзерлекне Интернет аша дәвам иттек. Атнага ике тапкыр өчәр сәгать шөгыльләнә идек. Әзерлек тукталып тормады.

- Ә ничек ял итәсең?

- Футбол, баскетбол уйныйбыз. Кышын хоккей.

- Үзеңне “ботаник” дип атый аласыңмы?

- Күп вакытымны укуга багышласам да, ял итә дә беләм. Әти-әнигә дә ярдәм итәм. Дуслар белән дә аралашам. Үземне “ботан” дип әйтмәс идем.

- Нинди һөнәр сайларга уйлыйсың?

- Медицина юнәлешен сайларга булдым. Хирург буласым килә. Әлеге теләк 9 сыйныфта барлыкка килде. Документларны Казан һәм Ижауның медицина юнәлешендәге югары уку йортларына тапшырдым.

- Ә ни өчен нәкъ менә хирург? Бик җаваплы һөнәр бит.

- “Авторитетный” һөнәр булганга. Башкаларга булышасы килү теләгем бик көчле.

Искәндәрнең әнисе, башлангыч сыйныф укытучысы Диләрә Шәрифуллина улы турында:

- Улыбыз Мамадыштагы бик көчле укытучы Лилия Гыйлаева белән өстәмә рәвештә шөгыльләнде. Мәктәптә дә төпле белем бирделәр. Химия укытучысы Заһид Мөхәммәтҗановка да зур рәхмәт. Искәндәр кечкенәдән “5”легә генә укыды, мин аңа беркайчан да: “Дәрес хәзерлә”, - дип әйтмәдем. Яратып укыды. Укудан тыш, спортны үз итә. Шашка буенча район ярышларында 1, 2 урыннарны алды. Авылда эш күп, безгә дә ярдәм итә. Гаиләбездә 4 бала. Искәндәр – иң олысы. Хирург булам дигәч, бераз куркып калдык инде. Нәселебездә табиблар юк. Бик авыр, җаваплы эш бит. Укуы да авыр булыр инде. Әйбәт кенә укып чыгарга язсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2477
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2315
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1962
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019