БДИ – 2020: ПАНДЕМИЯНЕҢ ИМТИХАН НӘТИҖӘЛӘРЕНӘ ЙОГЫНТЫСЫ

6 август көнне «Татар – информ» матбугат  агентлыгында Татарстанкүләм 2020 елгы БДИ нәтиҗәләренә багышланган пресс-конференция булып узды. Быелгы имтиханнар белән бәйле барлык сорауларга да ТР Премьер-министры урынбасары – мәгариф һәм фән министры Рафис Борһанов ачыклык кертте.

«Уртача балларның кимүе һәм артуы Россия буенча да күзәтелә. Үзизоляциягә бәйле рәвештә, төгәл фәннәрдән имтиханнарга укытучыдан башка, ягъни дистанцион әзерләнү катлаулы икәне күренә», - ди Рафис Борһанов. Быел профильле математика, информатика, биология, химия һәм чит телләрдән БДИның уртача баллары узган ел белән чагыштырганда кимүен дә ассызыклап узды мәгариф һәм фән министры.

Матбугат конференциясендә, шулай ук, 2020-2021 уку елы мәктәпләрдә гадәти режимда узачагы дә әйтелде: «Яңа уку елында 1-11 сыйныф укучылары мәктәпләргә килерләр, дип көтәбез. Кабатлап әйтәм, министрлык һәм бөтен мәгариф системасы гадәти көндезге укуга әзерләнә», - ди Рафис Борһанов.

Төп мәгълүмат саннарда (Татарстан өчен):

1. Быел БДИның төп чоры 3-25 июльгә туры килде;

2. Бердәм дәүләт имтиханнарында 3 500гә якын укучы һәм 7 000нән артык мөгаллим  катнашкан;

3. 3 укучы һәм 60 оештыручының сәламәтлекләре какшау сәбәпле, БДИга кертелмәгән;

4. БДИ бирүдән 10% чыгарылыш сыйныф укучысы баш тарткан;

5. 2019 елгы БДИ нәтиҗәләренә караганда, 100 балл туплаучылар саны быел 40%ка арткан: 193 кеше бер фәннән, 17 кеше ике фәннән максималь балл җыйган.

6. Республика буенча профильле математикадан уртача балл 4,48 кимеп, 59,5 тәшкил итсә, Россия буенча - 2 баллга кимеп, 53,9 булган;

7. Информатикадан уртача балл 2,59, биологиядән 1,87, инглиз теленнән 3,42, алман теленнән 11,3а кимегән;

9. Химиядән исә уртача балл 4,59 кимеп, 59,16 тәшкил иткән, ил буенча – 1,7 баллга кимеп, 54,4 булган;

10. 2019 елгы имтиханнарда телефон һәм белешмә материаллар белән 2 укучы тотылган булса, быел 2 кеше телефон куллану һәм 5 укучы шпаргалкалар аркасында БДИдан куып чыгарылган.

Фото Татарстан Ресупбликасының Мәгариф министрлыгы сайтыннан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    877
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    628
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    529
    0
    0

Блоглар