“БАЛАЧАК – УЙНАР ЧАК”: яңа күргәзмә ачылды /ФОТОЛАР/

1 июнь – Халыкара балаларны яклау көне. Әлеге бәйрәмгә “Татмедиа” да үзеннән өлеш кертте: бүген, 31 май көнне анда “Балачак – уйнар чак” (“Детство — Крылатые качели...”) дип исемләнгән күргәзмә ачылды.

Күргәзмәдә тәкъдим итү өчен “Сабантуй”, “Ялкын” һәм “Салават күпере” журналлары битләрендә басылып чыккан иң яхшы фотолар сайлап алынган. Аларда төрле өлкәләрдә уңышларга ирешкән малайлар һәм кызлар сурәтләнгән. Әлеге балалар бүгенге ачылыш тантанасына да чакырулы иде.

Күргәзмәне “Татмедиа” генераль директоры Андрей Кузьмин ачып җибәрде:

– Балалар әлеге фотолардагы кебек шат һәм бәхетле булып үссен өчен олылар бар көчләрен куярга тиеш, – диде ул. Шулай ук фотографларга үзенең рәхмәт сүзләрен дә җиткерде.

Аннан Андрей Кузьмин балалар белән берлектә фотоларны карады. Малай-кызлар фотолардан үзләрен тапты, чупа-чупс белән сыйланды.

Күргәзмәдә Владимир Васильев, Анна Арахамия, Илназ Мөхәрләмов, Ринат Нәҗметдиновның иҗат җимешләрен күрергә мөмкин. Биредә фотолар әле тагын бер ай дәвамында эленеп торачак. Теләгән һәркем, Декабристлар урамы, 2 адресы буенча урнашкан “Татмедиа” бинасының беренче катына килеп, күргәзмәне карый ала.

Зилә САБИТОВА


Илназ Мөхәрләмов фотолары


 





























Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    911
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    652
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    558
    0
    0

Блоглар