АВОКАДО САЙЛАУ СЕРЛӘРЕ

Соңгы вакытта бөтен кеше авокадо ала, авокадо ашый. Студентлар һәм мәктәп укучылары өчен ул аеруча файдалы икән. Нәрсә ул авокадо? Аның файдасы нидә? Авокадоны ничек дөрес итеп сайларга? Өлгереп җитмәгән очракта нишләтергә?

Нәрсә соң ул авокадо? Файдасы нидә?

Авокадо – гел яшел төстә була торган үсемлек. Ул Бразилия, Африка, Израильдә үсә. Авкокадо файдалы матдәләр бик бай. Аның составында витаминнар, минераллар, микроэлементлар, майлар бар. Мәсәлән, олеин кислотасы холестерин белән көрәшә, майларны тарката. Шулай ук әлеге җиләк-җимеш марганец, бакыр, тимер дә күп.  Студентлар һәм мәктәп укучылары өчен ул аеруча файдалы. Чөнки андагы матдәләр башны эшләтә, хәтерне яхшырта, мәгълүматны яхшырак үзләштерергә ярдәм итә.

Авокадоны ничек дөрес итеп сайларга?

1. Тотып карагыз. Аның өлгергәнлеген белү өчен тотып кару да җитә. Ул йомшак булырга тиеш. Таш кебек каты булса, авкокадо әле өлгермәгән дигән сүз. Артык йомшак булса да яхшы түгел: инде чери башлаган булырга мөмкин.

2. Җимеш сабагы урнашкан урынга игътибар итегез. Чыгып  торган сабагын алып аткан урын нинди төстә? Өлгергән авокадода ул саргылт яки коңгырт төстә була.  Инде өлгереп җитмәгән җимеш ачык яшел, бозыла башлаганында караңгы төстә.

3. Кабыкның төсенә игътибар итегез. Кабыкның караңгы яшел төстә булуы - аның өлгергәнлеге билгесе. Кайчак кабык шәмәхә яки кара төстә булырга мөмкин.  Калифорния авокадосы яки “хасс” сортлы авокадо өчен бу табигый хәл: алар, гадәттә, кара яки шәмәхә төстә була.Әгәр кабык ачык яшел төстә булса, димәк, ул әле өлгермәгән. Тик чыгарылмалар да бар: «фуэрте» яки «зутано» исемле сортларның кабыгы алар өлгергән очракта да яшел килеш кала.

4. Кабыкның торышына күз салыгыз. Авокадода киселгән, черегән һәм башка зарарланган урыннар булмаска тиеш.

Авокадо тизрәк өлгерсен өчен аны нишләтергә? Лайфхаклар.

Өлгермәгән авкадо сатып алган очракта да моңаерга сәбәп юк.  Чөнки әлеге җиләк-җимеш өй шартларында да өлгерә ала. Аңа бераз ярдәм генә итәргә кирәк. Өлгерү процессын тизләтү өчен берничә лайфхак тәкъдим итәбез.

1. Авкокадоны бүтән җиләк-җимешләр янына куегыз.  Мәсәлән, аны банан яки алма белән бергәләп кәгазь капка салып куярга һәм бүлмә температурасында сакларга була. Банан һәм алма этилен газы бүлеп чыгара, ә ул авокадога тизрәк өлгерергә ярдәм итә. Ә кап бу газның читкә китмәвен тәэмин итә.

2. Авокадоны җылы урынга куегыз. Авокадоны кәгазьгә яки газетага төрегез дә җылы урынга (мәсәлән, батеряга) куегыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    919
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    800
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    727
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019