АНТИГРАВИТИ-ЙОГА – КАБАТЛАНМАС КИЧЕРЕШЛӘР ЧЫГАНАГЫ

Аны ничек кенә атамыйлар: һавадагы йога, Fly Yoga, аэройога, гамаклы йога, антигравити-йога. Бу юнәлеш, яңа булуына карамастан, инде бик популяр!

Гамаклы йога – исеме үзе турында үзе үк сөйли: бөтен күнегүләр дә махсус җайланмаларда эшләнә. Тартыла торган зур тукымадан ясалган атынгычлар турыдан-туры түшәмгә беркетелә. Тукыма, гадәттә, нейлоннан, шуңа күрә 180 килограммга кадәр булган авырлыкны күтәрә ала.

Әлбәттә, башка спорт төрләрендәчә, бу юнәлешнең дә үз таләпләре һәм кагыйдәләре бар. Алар турында тулырак белү өчен, без Индирия” йога үзәгенең тәҗрибәле инструкторы Татьяна Давыдовага мәрәҗәгать иттек.

Татьяна: “Аэройогага килгәнче үк, аның зарарлы була алуы турындагы күрсәтмәләр белән танышырга кирәк. Салкын тиеп авырганда, йөкле хатын-кызларга, баш имгәнүләре һәм ашказаны-эчәк трактында өзлегүләр булганда, күрем килгәндә, үзегезне начаррак хис иткәндә шөгыльләнергә ярамый. Шулай ук югары кан басымы, варикоз, калкансыман биз эшчәнлеге бозылганда, тромбофлебит, күз челтәрендәге өзлегү, умыртка баганасы зарарланганда, умырткалыкта бүсер булганда да тыела”.

Әгәр алда әйтелгән күрсәтмәләр сезгә кагылмаса, антигравити-йога рөхсәт ителә. Котлыйм! Аэройога үзендә акробатика, калланетика, йога һәм пилатес элементларын берләштерә. Сезнең әлегә кадәр бу өлкәләрдә шөгыльләнгәнегез булмаса да, куркырга кирәкми. Ышанып әйтә алам: бар да килеп чыгачак! Антигравити-йога – кабатланмас кичерешләр чыганагы. Син биредә үзеңне нәкъ һавада очкан кебек хис итәсең. Шулай ук ул умыртка баганасындагы киеренкелекне, арыганлыкны бетерә, эмоциональ халәтне тигезли, кан тамырларын чистарта, кан әйләнешен яхшырта, хәтерне арттыра, картаю процессын акрынайта. Сез аэройоганың файдасын берничә дәрестән соң ук сизә башларсыз.

Аэройога төп физик күнегүләрдән тыш дөрес итеп сулыш алырга да өйрәтә. Нәтиҗәдә каныбыз кислородка байый, һәм гомуми халәтебез яхшыра.

Димәк, буш вакытыгызны аэройогага багышласагыз, тәнегез дә, баш миегез дә ял итәр!

Талия ТӨХФӘТУЛЛИНА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    885
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    631
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар