«АЛТЫН КАЛӘМ – ЗОЛОТОЕ ПЕРО» ГАРИЗАЛАР КАБУЛ ИТӘ: ҮЗГӘРЕШЛӘР БАР

Яшь журналистлар, сезнең өчен күптән көтелгән вакыйга! «Алтын каләм — Золотое перо» юбилей фестиваленә гаризалар кампаниясен, ниһаять, ачык дип игълан итте!

2020 елның 11-15 августында «Идел» яшьләр үзәге базасында «Алтын каләм – Золотое перо» XXV Республикакүләм балалар, яшүсмерләр һәм яшьләр матбугаты фестивале узачак. Гадәттәгечә, «Алтын каләмдә» 10-20 яшь аралыгындагы булачак журналистлар (гомуми һәм урта белем бирү уку йортлары укучылары) катнашачак.

Медиасфера профессионаллары белән эшлисең, үз газетаңны, телевизион программаңны булдырасың яки шәхси блог концепциясен төзисең киләме, әллә инде КФУның журналистика һәм медиакоммуникацияләр югары мәктәбендә бюджет урынында белем алырга телисеңме? Моның өчен 20 июльгә кадәр «Алтын каләм» фестивале нигезләмәсендә күрсәтелгән шартлар нигезендә гариза бирү дә җитә!

Сайлап алу турын уңышлы узган иң яхшы яшь журналистлар 2020 елның 11-15 августында фестивальнең финалында катнашачак. (Эпидемия ситуациясенә бәйле рәвештә, фестиваль финалын үткәрү форматы үзгәрергә дә мөмкин).

Быелгы фестивальнең төп яңалыгы ул – юнәлешләрнең үзгәрүе. Быел «SMM» һәм «Видеоблогинг» юнәлешләре өстәлде. Бу исә төрле социаль челтәрләрдә (Vk, Instagram, TikTok, YouTube) аккаунтларны үстерү белән шөгыльләнүчеләргә һәм социаль челтәрләрдә видеоконтент җитештерү белән мавыгучылар өчен шәп яңалык!

Татарстан Республикасы мәгълүмат кырының актуаль көн тәртибеннән чыгып, фестивальнең алты төп темасы да сайлап алынды:

1. «ТАССР төзелүнең 100 еллыгы»;
2. «Бөек Ватан сугышында җиңүнең 75 еллыгы»;
3. «Фестивальгә 25: бары алга!»;
4. «XXI гасыр журналисты"»;
5. «Татарстан Республикасының яшьләр сәясәте".

Гадәттәгечә, фестивальнең төп җиңүчеләре Татарстан Республикасы бюджетыннан Президент Р.Н.Миңнеханов карары белән бирелгән грант ярдәмендә Казан федераль университетына «Журналистика» белгечлегенә укырга керә алачак! Моннан тыш, катнашучыларның һәркайсы үз муниципаль берәмлекләренең хакимият органнары басмаларында һәм матбугат хезмәтләрендә стажировка узу мөмкинлеге белән дә бүләкләнәчәк. 

Исегезгә төшерәбез: беренче фестиваль 1996 елда Татарстан Республикасы Яшьләр эшләре министрлыгы һәм Татарстан Республикасы Журналистлар берлеге инициативасы белән уздырылган иде. Бүгенге көндә дә ул үз эшен уңышлы дәвам итә. «Алтын каләм» мәктәбе укучылары – Татарстан һәм Россиянең массакүләм мәгълүмат чараларының уңышлы хезмәткәрләре булуы моны янә исбатлый. Менә инде 25 ел «Алтын каләм»нең төп бурычларының берсе  - яшь журналистларны ачыклау, мәгълүмати кырны үстерү процессына иң талантлы яшьләрне җәлеп итү, аларга ярдәм итү, ике дәүләт телендә (рус һәм татар) эшләүче яшь журналистларны арттыру! 

Фестиваль турында тулырак мәгълүматны рәсми төркемнән алырга мөмкин:  https://vk.com/zolotoepero2020  

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2514
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1988
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    649
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019