“АК КАЛФАК” КЫЗЛАРЫ СЫНАУ ТОТТЫ

29 апрель көнне Казанда, Татарстан Язучылар берлеге бинасында II Бөтенроссия “Ак калфак” 9-11 сыйныфта укучы татар кызлары бәйгесенең II туры узды. Катнашучылар арасында Татарстанның төрле районнары һәм Россия төбәкләреннән килүчеләр дә бар иде.

Бөтендөнья “Ак калфак” татар хатын-кызлары иҗтимагый оешмасы рәисе, бәйгенең оештыручысы Кадрия Идрисова беренче турда 70 кыз катнашуын, аларның 21е генә икенчесенә узуын хәбәр итте:

- Жюри әгъзалары кызларыбыз белән әңгәмә корачак. Теләгән сорауларын бирә алачак. Катнашучыларның ничек җавап бирүләре, үзләрен кеше алдында тотулары бәяләнәчәк. Исәнләшә беләме, нинди һөнәрләре бар, йөзләрендә елмаю чаткылары бармы, күзләре нур сибеп торамы – без аларны бүген бөтен якларын исәпкә алабыз. Бүген кызлар белән Галисәгар Камал театында экскурсиядә дә булдык. Алар анда сәхнә артын күрә алды. Тормыш бит гел ал да гөлдән генә тормый. Спектакль әзерләгәнче дә нинди генә эшләр башкарылмый. Кич белән алар белән бергәләп спектакль карарга барачакбыз, - диде ул.



Бәйге башланыр алдыннан Биектауның 1 номерлы мәктәбендә белем алучы Әдилә Зиннәтуллина бер тамчы да курыкмавы турында әйтте:

- Бүгенге тур әңгәмә формасында үтәчәк, шуңа күрә артык борчылмыйм. Үземне ничек бар, шулай тотачакмын. Үзем, гаиләм турында рәхәтләнеп сөйләрмен. Татар теле һәм әдәбиятыннан олимпиадаларда катнашам. Музыка белән мавыгам, җырлыйм. Ниятем - музыка көллиятенә укырга керү. Күңелемә татар халык җырлары бик якын.

Әлеге бәйге турында туган тел укытучысы хәбәр итте. Икенче турга үтү өчен “Мин – милләтемнең киләчәге” темасына эссе язарга, барлык уңышларыңны туплап җибәрергә кирәк иде. Башта югалып калдым. Аннан илһам килде дә, эссе да язылды, диплом-грамоталар да тупланды. Гаиләмдә милли гореф-гадәтләрнең сакланышына багышланган видео да төшерелде.

“Әниең токмач кискәндә син ник карап торасың?”


Жюри әгъзалары таләпчән дә, гадел дә булды. Чаллыдан килгән катнашучы бер кызга: “Бу бәйгедә әниең катнашмый бит. Ник видеода ул токмач кисә, ә син карап торасың? Безгә синең шул эшне эшли белүең кирәк”, - дип кисәтү ясады. Ә укучы кыз югалып калмады: “Сез безгә кунакка кайтыгыз! Токмач кисеп аш пешерермен!” – дип җавап кайтарды.

Конкурсант кызлар шулай ук кул эшләренә осталыкларын да күрсәтте. Мәсәлән, Киров өлкәсеннән килгән Рамилә Гарипова төрле картиналар да ясый. Мамадыш районы кызы Сәйлән Шәйхетдинова калфаклар чигү белән мавыга. Кызлар арасында алкалар ясаучы, оста бәйләүчеләр, букет ясаучылар, татар милли ризыклары пешерә белүчеләләр дә бар иде.

Икенче тур ахырында һәр кызга чигелгән калфаклар бүләк ителде, сертификатлар тапшырылды. Гран-при иясе һәм 6 лауреатның исеме соңрак билгеләнәчәк. Алар 18-20 апрель көннәрендә узган Бөтенедөнья татар хатын-кызлары съездында делегатлар булып катнашачак һәм шунда ук бүләкләнәчәк тә.

Зилә САБИТОВА

Фотолар: www.tatar-inform.ru

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    5105
    2
    102
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2974
    1
    91
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2583
    0
    63
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1922
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1621
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    114
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    117
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019