27 ЯШҮСМЕР КЛУБЫ: УРЫН ЯҢАРТЫЛГАН – КИЛ ДӘ ШӨГЫЛЬЛӘНГӘН!

Татарстанда бер ел эчендә 100 миллион сумга 27 яшүсмер клубын төзекләндергәннәр. Республикада яшүсмер клубларының материаль базасын ныгыту һәм капиталь төзекләндерү программасының чираттагы этабы тәмамланды. Шулай итеп, 2015-2019 елларда 500 миллион сумга 140 клуб төзекләндерелгән.

Капиталь ремонт уздыру, материаль базаны ныгыту яшүсмер клубларын заманча техника, яңа җиһазлар һәм спорт җайланмалары белән баетырга ярдәм итә. Болар – яшүсмер клубларының тулы куәткә эшләве өчен иң кирәкле әйберләр. Шулай итеп, алар төрле юнәлештәге чараларны уздыру өчен заманча базалар булдыруны күз алдында тота. Шул рәвешле, бу республикадагы яшүсмер клубларының нәтиҗәлелелеген арттырырга ярдәм итәчәк.

Ремонтттан соң күп кенә клубларның тышкы якларына үзгәреш кертелгән, түбәләре алмаштырылган, инженер челтәрләре яңартылган. Клублар балалар һәм яшьләрнең ялын оештыру өчен тагын да уңайлырак итеп ясалган.

Быел август һәм сентябрь айларында капиталь ремонттан соң Казанда 9 яшьләр-яшүсмер клублары ачылды. Алар, төзекләндерелеп кенә калмыйча, заманча җайланмалар белән җиһазландырылды. Шулай итеп, хәзер «Олимп», «Дружба», «Ника», «Радость», «Арлекино», «Долина», «Орион», «Казан», «Алиса» клублары яңа форматта эшли. Моннан тыш, 2019 елда Түбән Кама районында “Клевер”, “Азамат”, “Энергия”, “Ровесник” яшүсмер клублары да яңартылып, үз ишекләрен ачты. Әлмәт районында исә “Импульс”, “Аэронавт” яшүсмер клублары төзекләндерелде. Яр Чаллыдагы «Алый парус», «Титан», «Исток» яшүсмер клублары да яңартылды.

Дамир Фәттахов, Татарстан яшьләр эшләре министры:

– Без республика бюджетыннан бүлеп бирелгән акчаны нәтиҗәле итеп кулланып, капиталь ремонтны оештыруга башкача якын килергә булдык. Әгәр элек яшьләр үзәге директоры инде төзекләндерелгән клубка гына килсә, хәзер төзүчеләргә техник бирем аның белән берлектә төзелә. Моның өчен без Яшьләр мохите объектларын реновацияләү институтын булдырдык. Шулай итеп, хәзер яшьләр таләпләрен, төгәл бер территориядәге безнең бурычларны анализлыйбыз. Аның буенча яшьләр үзәге яки яшүсмерләр үзәгенең эш концепциясен төзибез. Аннары шушы концепция белән архитекторлар эшли. Бу эш хакының үсешенә тәэсир итми диярлек. Ләкин шул ук вакытта мондый клублар яшь кешеләрне үзенә күбрәк җәлеп итә.

2020 елда тагын 17 клубны яңарту көтә. Республика территориясендә 28 муниципаль районда 223 яшүсмер клубы эшли. 2015 елдан бирле Татарстан Президенты Рөстәм Миңнеханов ярдәме белән республика территориясендә яшүсмер клубларын капиталь төзекләндерү программасы эшләп килә.

фото Яшьләр эшләре министрлыгы сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2285
    0
    12
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1726
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1350
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019