«ЕГЕТЛӘРДӘН КУРКАМ!»

«Классташ кызларым инде күптән егетләр белән йөри башлады. Ә мин егетләрдән оялам, куркам хәтта. Бу нормаль күренешме?»

Аноним, 16 яшь

Сөмбел Вәлиева, студент, 21 яшь:

«Борчылырлык урын юк. Ә куркуның сәбәбен ачыклау мөһим. Куркуыңның нигезендә нәрсә ята? Аны җиңү өчен нинди чаралар кулланасың? «Дус кызларымның егетләре бар, миңа да табарга кирәк», – дип, үзеңне башкалар кебек булырга мәҗбүр итү дә куркуның сәбәбе булырга мөмкин. Шуңа күрә «тиеш», «кирәк»ләрдән арынырга һәм эчке тоемлавыңа таянып эш итәргә кирәк. Һәр кеше уникаль, башка берәүдә булган теләк синдә икенче төсмер алырга мөмкин. «Һәр нәрсәнең җае бар, шалканның да мае бар» дигәндәй, бу дөньяда – һәр нәрсәнең үз вакыты һәм үз тәртибе. Оялуны, куркуны җиңү өчен егетләр белән дусларча аралашып кара. Кемгә дә булса ошарга тырышырга кирәкми, киресенчә, үзеңне иркен тотарга тырыш. Шулчак үзгәрешләр дә үзен көттермәс».

Алсу Талибуллина, психолог:

«Әлбәттә, нормаль күренеш! Син әле физик һәм психологик яктан формалашып кына киләсең. Шуңа да бу чорыңны позитив һәм стрессларсыз уздырып җибәрә белергә кирәк. Буш вакытыңны яңа һөнәрләр үзләштерүгә багышласаң яхшырак булыр.

Һәр нәрсәгә максат куя белү мөһим. Егет белән йөрү сиңа нәрсә өчен кирәк? Егет сиңа рухи яктан үсәргә ярдәм итәме? Әллә кешеләр синең турында яхшы уйласың өчен генә кирәкме?

Элек әби-бабаларыбыз егет-кызлар белән гаилә кору максатыннан гына йөргән, шуңа күрә вакыты җиткәч кенә бер-берләре белән аралашып, очрашып йөри башлаганнар. Ныклап торып йөри башлар алдыннан «Бу кеше

мине хөрмәт итәме?», «Минем өчен җаваплылык алырга әзерме?», «Киләчәктә терәк була алырмы?» кебек мөһим сорауларга җавап эзләгәннәр. Бүгенге яшьләр исә бер-берсе белән вакыт уздыру өчен очраша. Бу күренеш психикада да, киләчәк тормышта да тискәре чагылыш табарга мөмкин. Егетләр белән иртә йөри башлаган кызларга кызыгып түгел, бераз кызганып карау дөресрәк булыр. Бәлки, гаиләдә мәхәббәт җитмичә, алар аны читтән эзлидер? Егетләр белән иртә йөри башлауның сәбәбе үзбәяңне күтәрү дә булырга мөмкин, ягъни «Карагыз: мин ничек булдыра алам», – ди ул. Шулай ук бу күренеш яшүсмерлек бунты да була ала. Аның сәбәбе үз-үзеңне мин инде зур, мөстәкыйль дип күрсәтергә тырышудан килә.

Шуны истә тоту зарур: бүгенге көндә оялчанлык тискәре сыйфат итеп күрсәтелә. Оялчан, тыйнак булу – кеше өчен табигый сыйфатлар. Алардан арынырга тырышырга кирәкми. Үзеңне барлык үзенчәлекләрең һәм сыйфатларың белән яратсаң һәм хөрмәт итсәң, башкалар да сиңа шундый мөнәсәбәттә булыр. Әгәр алай түгел икән, димәк, алар сиңа тиң түгел».

Дускай, әгәр сиңа да киңәш кирәк икән, соравыңны yalkin@bk.ru адресына юлла.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1003
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    546
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    421
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019