«ЕГЕТЕМ ЭЧӘ...»

«Мин – диндәге кыз, яулык бәйлим, намаз укыйм. Ә аралаша торган егетем ислам кануннары буенча яшәми. Тәмәке тарта, әле беркөнне эчкәнен дә белеп алдым. Хәзер нишләргә дә белмим. Аның белән арамны өзәсем килми. Киңәш бирсәгез иде».

 Аноним, 17 яшь

Алсу Талибуллина-Фролова, психолог:

– Мондый мөнәсәбәтләрнең дин ягыннан да, психологик яктан да киләчәге юк. Син моны үзең дә яхшы аңлыйсыңдыр. Әлеге мәсьәләдә төп проблема ул – гашыйк булу һәм бәйлелек. Мәхәббәт уртак рухи кыйммәтләр һәм карашлар булганда туа, ул күп еллар дәвамында формалаша, үзеңне һәм сөйгәнеңне хөрмәт итүгә нигезләнә.

Гашыйк булуга килгәндә, ул – кешенең ниндидер бер сыйфатын ошату гына. Мәсәлән, тышкы кыяфәтенә, күзләренә, елмаюына гашыйк булу. Бу очракта кеше тулысынча шәхес буларак кабул ителми, аның үзеңә ошаган бер яхшы ягы гына күренә. Соңрак, гашыйк булу үткәннән соң, кеше барлык сыйфатлары белән ачыла. Кайчак хәтта аңа карата нәфрәт тә туарга мөмкин. Бу мәхәббәт түгел, ә невротик бәйлелек. Мөнәсәбәтләрнең зыян һәм борчу китергәнен аңласаң да, аларны өзү авыр.

Күз алдыңа китер: биш яки унбиш ел узганнан соң бу мөнәсәбәтләр нинди булыр? Бу очракта иң яхшысы – артка борылып карамыйча, аларга нокта кую.

Тиң ярыңны очрату өчен, үз-үзеңә бәяне (самооценка) күтәрергә кирәк.

Әгәр аерылышу мөмкин түгел дип санасаң, аннан сора: ул үзенең рухи кыйммәтләреннән, тискәре гадәтләреннән баш тартырга ризамы? Бер-береңә җайлашу өчен, кем дә булса үзенең яшәү рәвешен үзгәртергә тиеш. Аңлавымча, егетең үзенә ничек уңайлы, шулай яши, йөргән кызым минем хакта ни уйлый дип борчылмый. Әгәр һәр ике кеше үз карашларында һәм гадәтләрендә калса, моның ахыры яхшы тәмамланмаячак.

Исемен күрсәтмәскә сораучы:

– Мин дә нәкъ менә шушы ситуациядә калдым. Сорау-ялваруларымның бер нәтиҗәсе дә булмады. Бик нык ялгышканлыгымны хәзер генә аңлыйм. Ул начар кеше иде дип әйтмим, әмма шуның кадәр күп вакытымны җилгә очырганыма үкенәм. Вакытында аңлап алып, әлеге мөнәсәбәтләрдән баш тарттым.

Якын кешеңне туры юлга бастырыр өчен башта дога кылып Аллаһтан сорарга кирәк. Тагын бер киңәшем: утырып сөйләшегез, үзеңне нәрсәләр борчыганын аңлат. Әгәр ул үзе үзгәрергә теләмәсә, син аны берничек тә үзгәртә алмаячаксың. Ә бәлки, ул үзе аңлар. Бәлки, яраткан кешесе, киләчәге өчен яшәү рәвешен үзгәртер? Аңа киңәшләр бир, ислам дине турында сөйлә, хикмәтләрен, өстенлекләрен аңлат. Үзең белән дини чараларга, мәчеткә чакырырга мөмкин.

Ә менә аның үзгәрмәячәген төгәл белсәң, мөнәсәбәтләрне дәвам итүнең бер мәгънәсе дә юк.

Мәхәббәт – бик көчле хис. Шул ук вакытта ул зур сабырлык та сорый. Берәү дә идеаль булмый, кайчак нәрсәгә дә булса күз йомарга да туры килә. Тик син тырышып та, ул кеше бернинди көч куймый икән, кирәкме бу сиңа?..

Көтә белсәң, сиңа дигән насыйп яр очрый икән ул. Бүгенге көндә мин фикер-карашларыбыз, уй-хыялларыбыз бер булган кешедә кияүдә. Нәрсәне дә булса үзгәртүдән син дә курыкма!

Тагын укырга:


16 ЯШЬЛЕК КЫЗЫМ ЯУЛЫК ЯБАМ, ДИ…

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4756
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2805
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2407
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1840
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1545
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    101
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019