«ДУСТЫМ СЕРЕМНЕ ЧИШТЕ...»

«Иң якын дус кызым яшерен серемне башкаларга чишкән. Миңа алар алдында күренергә дә оят. Ә дустым дип санап йөргән кызны күрәсем дә килми. Нишләргә? Миңа бик авыр».

Аноним

Алсу Фролова-Талибуллина, психолог:

– Тормышта һәркем ялгыша. Үкенү хисе кешене эчтән ашый. Шуңа күрә бу очракта, дустыңны гафу иткәнче, үзеңне гафу итәргә кирәк. Кешеләрдән оят, дисең, ләкин алар да шундый ук кешеләр. Һәркем тормышта хата җибәрергә, ялгышырга мөмкин. Кем дә булса сине бүген тәнкыйтьли, иртәгә үзе шул хәлдә кала ала.

Дустың белән аралашу авыр икән, синең араларны өзәргә хакың бар. Аның белән сөйләшергә туры килсә, үз дәрәҗәңне саклап, тыныч булып һәм горур рәвештә үз позицияңне аңлат, үзеңне дә, аны да түбәнсетмә. Шулай эшли алган кеше һәрчак көчле булып кала.

«Ни өчен дус дип уйлаган кешеләр сер тота белмиләр?» дигән сорау да туа. Бәлки, ул «дус» башкалар каршында өстен булырга теләгәндер, бәлки, үзенең дәрәҗәсен шул рәвешле күтәрмәкче булгандыр. Ничек кенә булса да, дуслык шул рәвешле сынала. Иң мөһиме, нинди генә кыен хәлдә калсаң да, үзеңә һәм башкаларга карата хөрмәтне югалтмаска өйрәнергә кирәк. Ышаныч югалырга мөмкин, ләкин хөрмәт калырга тиеш.



Зөлфирә Зарипова, мөгаллим, әни кеше:

– Сөйләгән серемне башкалар белеп, миңа кире әйләнеп кайтканда бик авыр булмаячагын белсәм генә, серемне кемгәдер сөйли алам.

Киңәшкә кадәр иң мөhиме шуны аңлау кирәк: син исән-сау, андый вакытта җиңеп чыга алмастай мәсьәләләргә дә чишелеш табарга була.

Беренче киңәшем: дусларың белән үзеңне берни булмагандай тот, чөнки, шулай эшләгәндә, барысы да җиңелрәк онытылачак. Ниндидер мәсьәләгә акцент ясаган саен, аңа яңадан кире әйләнеп кайтыла. Икенчесе: дус кызыңны чын күңелеңнән гафу ит. Әлбәттә, син аңа бүтән беркайчан да ышана алмаячаксың, нәфрәт белән яшәгәнче гафу итсәң hәм бу темага кире кайтмасаң, җиңелрәк булачак. Өченче киңәшем: без тормышта hәр көн саен гыйбрәт алабыз. Бу очрак сиңа дәрес буларак, киләчәктә үзеңне тагын да зуррак авырлыктан саклар өчен бирелгән булуы бар, шуңа дөрес нәтиҗәләр чыгар да алга атла.

Чулпан Гарифуллина, студент:

– Серең зур икән, аны син генә белергә тиеш дип саныйм. Сөйләгән очракта, нинди кеше белән бүлешүеңне җиде кат уйларга кирәк. Кайчакта дошман дуска караганда яхшырак та булып чыга бит. Тормышта төрле хәлләр була. Гафу итә белү дә кирәктер. Дустың белән аралаша башла, әмма инде сак бул!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1003
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    546
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    421
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019