БАЛАМ «ЯҢА ӘТИ»НЕ КАБУЛ ИТМИ

«Сезнең журналда «Әти-әни аерылышу – һәрвакыт трагедия» дигән язманы укыдым да үз проблемам белән уртаклашырга булдым. Кызганыч, әлеге күңелсез хәл безнең гаиләне дә читләтеп үтмәде. Якынча биш ел элек ирем белән аерылышырга туры килде. Берничә ел узгач, яңа мәхәббәтемне очраттым, һәм күптән түгел ул миңа тәкъдим ясады. Тик мин «әйе» дип җавап бирергә куркам. Чөнки 14 яшьлек улым «яңа әти» турында ишетергә дә теләми. Үз әтисе белән аралары яхшы, һәрвакыт күрешеп-аралашып торалар. Аның да яңа гаиләсе бар, югыйсә. Әмма улым нәкъ менә минем кияүгә чыгуыма каршы. Бу очракта миңа нишләргә, үземне ничек тотарга икән? Булачак ирем дә улым белән яхшы мөнәсәбәтләр урнаштырырга тырыша. Тик файдасыз...

Аноним.

Ландыш, 42 яшь:

Моннан 8 ел элек үзем дә нәкъ шундый хәлдә идем. 12 яшьлек кызым «яңа әти»сен озак кына кабул итә алмады. Шуңа күрә өйләнешү, бергә яшәү турында сүз дә булуы мөмкин түгел иде. Ул чагында мин ике ут арасында калдым. Бер яктан кызым өчен борчылдым. Аның якты киләчәге, бәхете өчен мин җаваплы бит. Икенче яктан сөйгән ярымны да югалтасым килмәде. «Бала үсә дә, чыгып китә. Ялгыз калсам нишләрмен?» кебегрәк уйлар тынгы бирмәде... Мин баланы сайладым. Ул чагында сөйгән ярымның кияүгә чыгу тәкъдимен кире кагарга туры килде. Аллага шөкер, юлымда яхшы кеше очраган булып чыкты. Ул минем хәлне аңлады, ташлап китмәде. Һәрвакыт янымда булды, авыр чакларда ярдәмгә ашыкты. Шул чагында кызымда аңа карата ниндидер ышаныч барлыкка килә башлады кебек, булачак иремне минем янда күрергә күнекте, йомшара төште. Аллага шөкер, ел ярымнан соң өйләнештек. Кызыма 14 яшь иде. Нәкъ бер елдан сеңелкәш алып кайтып бирдек үзенә. Әй, кызымның сөенүләре. Шуңа күрә мин сезгә сабыр булырга, ниндидер карар кабул иткәнче, яхшылап уйларга киңәш итәр идем. Шулай да, бала мөһимрәктер, дип уйлыйм. Әгәр дә булачак ирегез сезне чыннан да ярата икән, ул көтәчәк! Ташлап китә икән инде, дүрт ягы – кыйбла. Кем белә, бәлки алга таба тагын да зуррак аңлашылмаучанлыклар килеп чыккан булыр иде...

Флюра Әхмәтова, гаилә мөнәсәбәтләре буенча психолог:

Дөресен әйтим, сез бик катлаулы хәлдә калгансыз. Күчеш чоры – 14-15 яшьлек балага, чит кешене генә түгел, үз әти-әнисен кабул итү дә авыр, хәтта. Шуңа күрә бала яңа гаилә әгъзасына, беренче чиратта, көндәш итеп караячак. «Мин әнигә кирәк түгел, үз киләчәге турында гына уйлый» кебек фикерләр туарга мөмкин балада. Шуңа күрә ашыкмаска, аек акыл белән эш итәргә кирәк. Баланың үз әтисе белән аралашуы исә бик яхшы күренеш: улыгызга аның ялгыз түгеллеген, әни һәм әтинең һәрчак янында булуын, аның сезнең өчен иң кадерле кеше икәнлеген күрсәтү күпкә җиңелрәк булачак. Шуңа өстәп, бу яшьтә бала белән зурларча сөйләшеп була. Бик тиздән аның үз шәхси тормышы башланачагын аңлатырга тырышыгыз. Бәлки улыгыз белән элеккеге ирегез сөйләшеп, аңлашып карар. Әгәр дә инде сезне тыңларга, ишетергә теләми икән, аңа басым ясамагыз, әлеге каршылыкта яңа ирегез ягына басмагыз. Улыгызны тәнкыйтьләмәгез, ачуланмагыз. Аңа ирек бирергә кирәк. Бала үзен яратуларын, фикеренә колак салуларын, хөрмәт итүләрен күреп, тоеп торса, бер-ике елдан барысы да яхшы якка үзгәрергә мөмкин. Әгәр дә вәзгыятьнең артык катлаулы булуын тоясыз икән, психологка шәхсән мөрәҗәгать итегез. Чөнки проблема, чыннан да, җитди.

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4756
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2804
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2407
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1840
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1545
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    101
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019