БАЛАМ АКЧАНЫ КҮП СОРЫЙ БАШЛАДЫ!..

«Без шәһәр тибындагы посёлокта яшибез. Баланы мәктәпкә чыгарып җибәргәндә, кесәсенә акча тыга торган гадәтем бар иде. Тамагы ачса, кирәге чыкса дигәндәй... Соңгы арада үзе дә сорап ала башлады, суммасы зурайганнан-зурая. “Нәрсәгә шулкадәр?” дип кызыксынсаң, кесә чыгымнарына, дип кенә җаваплый. Күңелгә төрле шомлы уйлар керә, ялгыш юлда йөрми микән, дим... Сезнең балаларыгыз акча сорап аламы? Ни өчен  тотканнарын беләсезме?»

Алсу, Азнакай

Фәйрүзә, Казан, 35 яшь:

– Безнең мәктәп ашханәсендә махсус карта белән түлиләр, мин тиешле сумманы салып куям да, улым шуның белән түли. Тамагы ачса, буфетка да шул карта белән йөри. Бүтән әйбергә акча сораганы юк. Кирәк дип тапкан, кызыккан әйберен бездән сорый, бергә алабыз. Сезнең балагыз нинди чыгымнарга акча сораганын аңламыйм, шикләнерлек тә шул. Хәлне ахырына кадәр ачыкламый торып, балагызны орышырга керешмәгез, дип киңәш бирәсем килә. Укытучысына мөрәҗәгать итеп карагыз, алар көне буе мәктәптә бит, укытучы күз алдында, шикле ситуациядә калса, ул сизенер иде. Үзегез дә күрми-белми калмас идегез, дип уйлыйм.

Элина, Чистай, 15 яшь:

– Тынычланыгыз! Әти-әниләрнең шул булыр инде: юктан да проблема ясарга тотынасыз! Бәлки, ул берәр кызга гашыйк булгандыр да аны кинога чакыргандыр? Бәлки, урамдагы көчекне кызганып, шуны сыйлыйдыр? Бәлки, авыр хәлдә калган сыйныфташына ярдәм итәдер? Нишләп беренче эш итеп начар ситуация уйлап борчылырга? Балагызга шуның кадәр ышанмыйсызмыни? Балагыз белән ачыктан-ачык сөйләшергә киңәш итәм. Барлык сорауларга да җавапларыгызны шулай табарсыз. Моңарчы аның начар гамәлләре булмаган икән, хәзер дә бар да тәртиптәдер, дип уйлыйм.

Алсу, Казан, 38 яшь:

– Балага артык кирәге булмаса да, кесә чыгымнарына акча бирүне кирәк эш дип саныйм. Аны да безнең җәмгыятьтә яшәргә өйрәтергә кирәк бит: ә бу, беренче чиратта, акча тота белүгә кайтып кала. Аннары, бу балада мөстәкыйльлек тә тәрбияли. Шоколад аламы яки җыеп куямы – моны хәл итү белән, бала карарлар кабул итәргә өйрәнә. Киңәшем шул: акча сораганда, аның нигә икәне турында кызыксыныгыз, күпмедер вакыттан соң нигә тотканы хакында да сорашырга онытмагыз. Үзегез дә контрольне югалтмыйча, балага да ирек бирегез.

Алмаз, Бөгелмә, 16 яшь:

– Гаиләдә бер-береңә ышану бик мөһим, шуңа күңелегезгә шик керткәнсез икән, ситуацияне ахырына кадәр ачыклап бетерегез: йә шикләрегез таралачак, йә белгән яңалыктан чыгып эш итәргә туры киләчәк. «Сумма гел арта», – дигәнсез, бу очракның, чынлап та, начар тәмамлануы ихтимал. Мәсәлән, безнең сыйныфтагы 3 егет тәмәке тарту белән мавыгып алды. Алар аны әти-әниләре кесә чыгымнарына дип биргән акча хисабына ала. Сизгерлек күрсәтеп дөрес эшлисез. Бәлки, баланы ялгыш адымнардан саклап кала алырсыз.

 

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4481
    2
    64
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4180
    3
    60
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    3931
    2
    44

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    443
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019