YUMMY MUSIC БЕР КӨНДӘ ӨЧ ЯҢА ҖЫР ТӘКЪДИМ ИТӘ!

Август азагына берничә атна калып бара, шуңа Yummy Music лейблы бер көндә өч җәйге җыр чыгарырга булган. Әйдә, тыңлыйбыз!

 

URTIC — Күчтәнәч

Бу җәйне электрон дуэт вакытны юкка уздрымаган – әбиләренең чормасыннан винтаж совет чоры лампасын (синглның тышлыгында сурәтләнгән) гына түгел, Салих Сәйдәшев һәм Хәйдәр Бигичев башкарган көйләрне дә чыгарганнар. Әлеге сэмпллар салмак трип-хоп/даунтемпо композициянең нигезенә кереп утырган. Бу «Күчтәнәч» URTIC дуэтының шундый ук исемдәге дебют альбомын, дачадагы ялны хәтерләтә.

Ilgiz — Тәлинкә

Татар The Weeknd’ы ватык тәлинкәләр образына «ватык» мөнәсәбәтләрне с яшергән. Бу – пандемиягә кадәр язылган Нью-Йорк трилогиясенең икенче синглы. Татарстан буйлап чыгыш ясаулары Илгизгә елга бер сингл чыгарырга гына мөмкинлек бирә.

Ittifaq feat. Ilgiz — Казаным

Бу релиз – бераз медиа-археология өлкәсеннән. Yummy Music продюсерлары 2005 елда оешкан Ittifaq татар рэп-төркеменең «иске яңа» альбомының язмаларын табып чыгарган. Иң башта, төркем берничә сингл, ә аннан тулы альбомны да музыкаль платформаларга чыгарачак. Бу җыр 2012 елда, Ilgiz’не татар The Weeknd’ы дип атамаган чакта, туган шәһәргә багышлап язылган.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: