ЮГАРЫ УКУ ЙОРТЛАРЫ ДИСТАНЦИОН УКУГА КИТӘРГӘ МӨМКИН?

Югары уку йортлары дистанцион укуга китәргә мөмкинме? Бу дөрес сүзме?

Әйе, дөрес. Мондый ихтимал бар. Эпидемиологик вәзгыять начарайган очракта югары уку йортлары дистанционкага китәргә мөмкин. Бу турыда Татартсан Республикасының мәгариф һәм фән министрлыыг сайтында хәбәр ителә.

Шулай ук “югары уку йортлары җитәкчеләре биналарның чисталыгын тәэмин итәргә, антисептиклар булдырырга тиеш”, - дип тә өстәлә әлеге хәбәрдә. Боларга өстәп, көненә ике тапкыр тән температурасын үлчәү дә зарур булачак.

Моннан тыш, эпидемиологик ситуация катлаулану очрагына да әзер булырга һәм дистанцион укуга әзер булып торырга да киңәш ителә.

2020 елның 1 сентябреннән гамәлгә керә торган боерыкта болай диелә: “Уку йортлары җитәкчеләренә, эпидемиологик вәзгыять катлауланган очракта, укуны электрон һәм дистанцион рәвештә дәвам итүне оештырырга кирәк булачак”.