ҖӘЙНЕҢ СОҢГЫ АТНАСЫ ҖЫЛЫ БУЛЫРМЫ?

Җәйнең соңгы атнасы якынлаша. Әлеге атнада һава торышы нинди булыр? Эссе көннәр әле көтеләме?

Татарстанда 20 көн дәвамында салкын көннәр хакимлек итте. Арасында җылы көннәр дә булып алды: 5-7 агустта, мәсәлән, 27 - 32 градус җылы иде. Калган көннәрдә температура нормадан түбән булды. Мисал өчен, 15 август көнне термометрлар иң күбе +14кә менә алды. Ә менә 2013, 2016 еллада шушы көнне 34 градус эсселек булган!

Быелгы салкын көннәр яңгырлы көннәре белән дә истә калыр: 13-17 август көннәрендә яуган яңгыр айлык нормага җитә язды.

Җылы көннәр булачакмы соң әле?

Мондый һава торышы августның соңгы ункөнлегендә бетәргә тиеш. Һәрхәлдә, синоптиклар шулай фаразлый. Бәлки, чын җәйге һава торышы да кайтыр әле.

Августның ахыргы көннәрендә явым-төшем көтелми, булса да, озак дәвам итмәячәк. Җомга көннән башлап, температура күтәрелә башлый. Башта 20-22 градуска күтәрелсә, аннан 25-27-градуслык җылы көннәр дә килергә мөмкин.

Тарихка күз салсак...

Күпьеллык мәгълүматларга күз салсак, Казанда августның уртача һава торышы 17,6 градусны тәшкил итә. Иң җылы август 1869 елда булган. Ул елны уртача һава торышы 24,6 градусны тәшкил иткән. Ә иң салкын август 1980 елны килгән. Анда уртача һава торышы 13,3 градус җылы була.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    839
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    796
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар