ҖЫЛЫ КӨННӘР КАЙЧАНГА КАДӘР ДӘВАМ ИТӘР? КФУ ПРОФЕССОРЫ ҺАВА ТОРЫШЫ ТУРЫНДА

Соңгы көннәрдә җәй безне җылы, кояшлы көннәре белән шатландыра. Якын көннәрдә һава торышы нинди булыр? Бу турыда КФУ профессоры сөйли.

Татарстанда җылы һава торышы атна ахырына кадәр сакланачак. Һава торышы турында тулырак КФУның метеорология кафедрасы җиткәчесе, профессор Юрий Переведенцев сөйләде.

Аның сүзләренчә, җомга һәм шимбә көннәрендә коры һава торышы булачак, явым-төшем көтелми, азрак җил булуы мөмкин.

– Якын көннәрдә көндез һава торышы 23-26 градус булачак, төнлә иң түбән температура 10-12 градусны тәшкил итәчәк. Шимбә көнне кыска вакытлы яңгырлар яварга мөмкин, - дип хәбәр итә Юрий Переведенцев.

Якшәмбе көнне республикада температура  төшәчәк: көндез 17-19 градус җылы булса, төнлә 8-10 градус җылы булуы фаразлана. Дүшәмбе көнне яңгыр яварга мөмкин.

Җылы көннәрнең 22се, ягъни сишәмбе көнне кире әйләнеп кайту ихтималы зур.

– Бүгенге көндә Татарстанда уртача айлык температура 18 градусны тәшкил итә. Бу – җәйнең беренче ае өчен норма. Мәскәүдәге кебек 31 градус эсселек бездә әлегә көтелми, - ди профессор.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    800
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    553
    0
    0

Блоглар