ЯШЬЛӘР СӘЯСӘТЕНЕҢ КАЙСЫ ПРОЕКТЫ ӘҺӘМИЯТЛЕРӘК, СИН ДӘ ТАВЫШ БИР!

Татарстанлылар Яшьләр министрлыгының өстенлекле максат-бурычлары өчен тавыш бирә. Әлеге эшне Дәүләт хезмәтләре порталында башкарырга мөмкин.

Быел Татарстанның Яшьләр эшләре министрлыгы башкарма хакимият органнарының максат-бурычларын халык ярдәмендә формалаштыру проектына кушылды. Аның ярдәмендә министрлыкның киләсе елга өстенлекле юнәлешләре республикада яшәүчеләр булышлыгы белән төзеләчәк.

2020 елга булган беренче этаптагы тәкъдимнәрне экспертлар – министрлык каршындагы Иҗтимагый һәм фәнни-методик советы әгъзалары, Яшьләр парламенты вәкилләре формалаштырган. Алар сайлаган өстенлекле бурычлар арасында:

– яшьләр сәясәте инфраструктурасының үсеше;

– чараларга теркәлү өчен онлайн-сервис булдыру;

– яшьләр үзидарәсенә булышлык күрсәтү;

– яшьләрнең актив гражданлык позициясен формалаштыру;

– ышаныч телефонын популярлаштыру;

– элек яшьләр сәясәте колачламаган яшьләрне төрле проектларга тарту бар.

Татарстанның яшьләр эшләре министры Дамир Фәттахов сүзләренчә, максат-бурычларны җәмәгатьчелек ярдәмендә формалаштыру – ул министрлыкның халыкка ачык булуын күрсәтә торган трендның дәвамы.

Әлбәттә, министрлык нигезләмәсе нигезендә без, һичшиксез, үтәргә тиешле бурычлар бар. Ләкин хакимият органнарының нәрсә эшләргә тиеш икәнлеген җитәкчелек кенә хәл итә дигән фикер белән килешмибез. Ачык рәвештә тавыш бирү – халыкның төрле категориясенең ихтыяҗын ишетү, аларны анализлау, үз эшебездә өстенлекле юнәлешләрне дөрес итеп билгеләү. Җитмәсә, шушы проект дәвамында бездә җәмәгатьчелек тарафыннан да контроль булачак. Шул исәптән, бу юнәлешләрдә эшләр ничек алып барылганлыгы буенча  ачык тыңлаулар да уздырачакбыз, – ди министр.

Дәүләт хезмәтләре порталында тавыш биргәндә, тәкъдим ителгән вариантларны сайлаудан тыш, үз идеяләреңне белдерергә дә мөмкин. Бу сайтта үз фикереңне 29 ноябрьгә кадәр калдырып була. Халык тарафыннан тәкъдим иткән вариантлар министрлык каршындагы Иҗтимагый совет тарафыннан каралачак.

Министрлыкның өстенлекле юнәлешләре белән биредә танышырга мөмкин (http://minmol.tatarstan.ru/rus/publichnoe-formirovanie-tseley-i-zadach.htm ).

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    1011
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    879
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    439
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019