«ЯЛКЫН», «САБАНТУЙ» ҺӘМ «САЛАВАТ КҮПЕРЕ» БАЗАСЫНДА ВИДЕОСТУДИЯ АЧЫЛА

Яшь блогерлар, булачак журналистлар үзләрен әлеге профессия вәкилләре итеп тоя алачак.

Бу турыда «ТАТМЕДИА» республикаүләм матбугат һәм массакүләм коммуникацияләр агентлыгының еллык коллегия утырышында медиакомпания генераль директоры Шамил Садыков белдерде.

– Хәзерге вакытта без “Татмедиа” бинасында “Ялкын”, “Сабантуй” һәм “Салават күпере” журналлары базасында «Youtube»та төрле проектлар тормышка ашыру өчен студия булдырабыз. Булачак журналистлар үзләрен әлеге профессиядә сынап карый алачак. Без исә кечкенә тамашачыларыбыз өчен видеоконтент булдырачакбыз, - дип белдерде Шамил Садыков.