ЯҢА ЗАКОН: АЛКОГОЛЬНЕ 21 ЯШЬТӘН СОҢ ГЫНА!

Быел көз исерткеч эчемлекләр белән бәйле яңа закон кабул ителергә мөмкин. Кибетләрдә алкогольне хәзерге кебек 18 түгел, ә 21 яше тулганнарга гына сатарга рөхсәт ителәчәк.

Бу турыда инде агымдагы елның мартыннан бирле сөйлиләр. Ниһаять, быел көз әлеге закон гамәлгә керергә мөмкин. Россиянең Сәламәтлек саклау министрлыгы моның өчен барысын да эшли.

– Исерткеч эчемлекләрне сату яшен арттыру медицина ягыннан да, социаль яктан да мөһим. Яшүсмернең үсү, җитлегү чоры якынча 14-20 яшьләр тирәсенә туры килә. Органнар, организмның башка системалары гына түгел, яшь кеше психологик яктан да нәкъ менә шушы чорда җитлегә. Шуңа күрә бу чорда яшьләребезне югары концентрацияле алкогольдән саклап калырга тиешбез, - дип ассызыклый Россия Сәламәтлек саклау министры Вероника Скворцова.

Хәзерге вакытта закон тулысынча әзерләнеп беткән инде. Ул 21 яше тулмаган россиялеләргә катылыгы 16,5 проценттан күбрәк булган алкогольле эчемлекләр сатуны тыячак.  Министр сүзләренчә,бу канунны көзге сессия ахырына кадәр кабул итәргә тырышачаклар.

Дөресен генә әйткәндә, әлеге канунның кабул ителәчәгенә бер шик тә юк. Чөнки аны барлык россиялеләрнең 78 проценты хуплый. Шактый оешмалар да бу законны хуплап тавыш биргән. Шушы көннәрдә генә Татарстанның Яшьләр эшләре министрлыгы да канун буенча үз фикерен әйтте.

– Без бу закон проектын тулысынча хуплыйбыз, чөнки беренче чиратта үзебезнең үсеп килүче буын турында уйларга тиешбез. Һәм безнең өчен иң мөһиме бу законның үтәлүе. Ул эшләргә тиеш, - дип ассызыкладылар министрлыкта.

Алар шулай ук үзләренең моның ише тыюларга саклык белән караулары турында да әйтә. Чөнки яңа закон сыйфатсыз товар белән сату итүчеләр артуына китерергә мөмкин. Шуңа күрә алкоголь сатуны тыю гына җитми, яшьләр арасында дөрес яшәү рәвешен пропагандалауга да зур игътибар бирү сорала.

Бу документ белән килешмәүчеләр дә юк түгел. Ул да булса Россиянең Икътисади үсеш министрлыгы. Алар фикеренчә, яңа закон кибетләр эшчәнлегенә тискәре йогынты ясаячак, хезмәт күрсәтү тизлеген киметәчәк. Хәер, тиздән кибетләр генә түгел, ә күпкатлы йортларның беренче катында урнашкан кафелар да шактый чыгымнарга дучар булырга мөмкин. Ник дигәндә, Россия Дәүләт Думасы хезмәт күрсәтү залы 20 квадрат метрдан артмаган кафеларга исерткеч эчемлекләр сатуны тыю турында тагын бер документ әзерләгән. Министрлар Кабинеты документны хуплаган инде.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1205
    0
    7
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    939
    0
    3
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    879
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019