ЯҢА УКУ ЕЛЫНДА КЕМБРИДЖда УКУ ОНЛАЙН БУЛАЧАК

Танылган Кембридж университеты турында белмәгән кеше юктыр. Әнә шунда яңа уку елында да белем алу дистанцион рәвештә оештырылачак. Бу турыда тулырак безнең язмада.

Коронавирус пандемиясе һәм Англиядәге эпидемиологик вәзгыять саклану сәбәпле, Кембридж университеты яңа уку елында барлык лекцияләрнең дә онлайн узуы турында хәбәр итә.

Югары уку йорты, әгәр хәлләр яхшырып китсә, әлеге карарның үзгәрү ихтималы булуын да искәртә. Аз кешелек төркемнәрнең мөгаллимнәр белән күзгә-күз карап белем алу ихтималы да бар.

Моңа кадәр Англиянең Манчестер университеты киләсе уку елының онлайн узачагы турында хәбәр иткән иде инде. Шулай итеп, Кембридж да шундый карарга килгән.

Онлайн булгач, уку бәясе кимиме?

Юк шул менә. Уку онлайн булса да, аның өчен түләү бәясе үзгәрмәячәк. Уку йортларына үзләренең студентларын белем алуның ничек оештырылуын алдан ук кисәтеп куярга кушылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    910
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    650
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    556
    0
    0

Блоглар