ЯҢА БӘЙГЕ: “ҮЗ ҺӨНӘРЕНДӘ ИҢ ЯХШЫСЫ”

Син аграр юнәлештә укый торган студентмы? Бәлки, инде шул юнәлештә эшлисеңдер? Алайса бу хәбәр синең өчен!

“2019-2021 елларда Татарстан Республикасының авыл яшьләре” программасы кысаларында “ТРның аграр яшьләр берләшмәсе” РТның авыл хуҗалыгы һәм азык төлек министрлыгы һәм РТның яшьләр эшләре министрлыгы белән берлектә “Үз һөнәрендә иң яхшысы” («Лучший по профессии») дип исемләнгән бәйге игълан итә. Анда авыл хуҗалыгы өлкәсендә эшләгән яшьләр һәм шул юнәлештә укыган студентлар катнаша ала.

Бәйгенең максаты – иң яхшы эшчеләрне ачыклау, аларның күнекмәләрен яхшырту, авыл хуҗалыгына бәйле һөнәрләрнең абруен арттыру.
Бәйге ике урында – Казанның аграр университетында һәм Ветеринария академиясендә узачак. Беренче этап теориягә багышланса, икенче этапта алар үз осталыкларын практикада күрсәтәчәк.

Теория этабында катнашучылар үз юнәлешләре буенча тест биремәре чишәчәк, практик өлештә аларга үз һөнәрләренә кагышлышлы биремнәрне үтәргә кирәк булачак. Мәсәлән, терлекнең нәрсә белән авыруын ачыкларга, беренче ярдәм күрсәтергә, техниканы җыеп-сүтәргә, сыер саву аппаратын көйләргә һ.б.

Җиңүчеләргә нәрсә бирелә?

Җиңүчеләрнең барысына да дипломнар белән беррәттән акчалата премия дә тапшырылачак. 1 урынга – 10, 2 урынга – 8, 3 урынга – 6 мең. Ә инде 1 урын яулаучылар чит илгә тәҗрибә тупларга бара алачак. Урыннары булмаган кешеләр дә буш кул белән кайтып китми: аларга да диплом һәм 2 000 сум күләмендә премия тапшырыла. Студентлар арасында җиңүчеләр дипломнар һәм кыйммәтле бүләкләргә ия булачак.
Бәйгедә катнашу өчен гаризаларны 10 ноябрьгә кадәр җибәрергә мөмкин. Бәйгенең шартларын түбәндәге сылтама аша кереп карый аласыз:
http://minmol.tatarstan.ru/rus/polozhenie-o-poryadke-..

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2463
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2303
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1952
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019