XXI «СОЗВЕЗДИЕ-ЙОЛДЫЗЛЫК» ФЕСТИВАЛЕНЕҢ УЗДЫРЫЛУ ВАКЫТЫ БИЛГЕЛЕ БУЛДЫ

Татарстанда «Созвездие-Йолдызлык» ачык республика яшьләр эстрада сәнгате телевизион фестивале старт ала. Быелгы фестиваль хәрәкәте Туган телләр һәм халыклар бердәмлеге елына багышланган.

Фестивальнең зона этаплары – Казанда 22 февральдән 12 мартка кадәр; Баулыда 26-28 февральдә; Зәйдә 2-3 мартта;  Актанышта 6-7 мартта, Яр Чаллыда 9-10 мартта; Чирмешәндә 13-14 мартта; Биектау районының Шәпше авылында 16-18 мартта; Балык Бистәсендә 20-21 мартта; Апаста 24-25 мартта, Яшел Үзәндә 27-28 мартта узачак.

Сайлап алу турлары уздырылучы традицион географик зоналарга быел Баулы, Апас һәм Балык Бистәсе дә кушылды.

«Без, бу ел Туган телләр һәм халыклар бердәмлеге елы, дип игълан ителүенә, бик сөендек. Бу Татарстан өчен генә түгел, тулаем илебез өчен дә бик мөһим. Ел саен «Созвездие-Йолдызлык» фестивалендә үз номерларында төрле мәдәниятләрнең матурлыгын чагылдыручы балалар чыгыш ясый. Нәкъ менә халык мәдәнияте, күңелләрне чишмә кебек чистартып, кешеләргә яктылык бүләк итә ала» – дип, билгеләп үтте фестивальнең генераль продюсеры Дмитрий Туманов.

Конкурсантлар үз талантларын «Вокал-соло», «Вокаль ансабльләре», «Хореография», «Конферанс», «Җырга иң яхшы музыка», «Иң яхшы җыр тексты», «Иң шәп видеоклип» номинацияләрендә күрсәтәчәк.

Фестивальнең суперфиналын 17-21 апрельдә КФУ УНИКС Концертлар залында уздыру плашлаштырыла. Гала-концерт 22 апрельдә узачак. Фестивальнең Гран-При ияләре 29 апрельдә «Пирамида» концертлар залында билгеле булачак.

Фестивальнең гала-концертында, традицион рәвештә, беренче урын һәм Гран-При алучыларга бүләкләр, иң яхшы педагогларга мактаулы исемнәр, дәүләт бүләкләре, Татарстан Президенты Рөстәм Миңнехановтан дәүләт стипендияләре һәм педагогларга «Татнефть» компаниясеннән бүләкләр тапшырылачак.

Тулырак мәгълүмат белән фестивальнең рәсми сайтында танышырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар