WorldSkills чараларына – бушлай!

WorldSkills-Kazan 2019 га керү бушлай булачак! Моның өчен нишләргә кирәк соң?

Белүебезчә, быел 22-27 август көннәрендә башкалабыз Казанның “Казан Экспо” күргәзмәләр залында WorldSkills – эшче һөнәрләр дөнья чемпионаты узачак. Теләгән һәркем анда бушлай керә ала. Моның өчен әлеге сылтама аша кереп, ярышларга барасы көнеңнең вакытын билгеләргә һәм электрон билет алырга кирәк. Аңа кадәр теркәлү узу зарур. 12 яшькә кадәрге балаларга билет та, теркәлү узарга да кирәкми.

Чемпонатка килгән һәр кеше  күп кенә һөнәрләрнең серләренә төшенү  мөмкинлегенә ия булачак. Шулай ук алар Россия һәм чит илләрнең иң яхшы уку йортлары укытучылары белән аралаша алачак, үзләрен төрле компетенцияләрдә сынап карау мөмкинлеге дә тудырылачак.

Оештыручылар, билетны кәгазьгә бастырсагыз, яхшы ди. Алайса сканер аны “укымаска” мөмкин. Әгәр теркәлгәндә яки билет алганда кыенлыклар туса, ticket@worldskillskazan2019.com электрон почтасына язып, теләгән соравыгызга җавап табарга була.

Зилә САБИТОВА әзерләде