Универсиадага Татарстаннан дүрт чаңгычы бара

2-12 мартта Красноярскида узачак XXIX Кышкы Универсиадада россия данын Татарстаннан дүрт чаңгычы яклаячак. Бу хакта Зәйдә студентларның сайлап алу ярышлары төгәлләнгәч билгеле булды.

Россия җыелмасы составына эләккән 16 чаңгычы арасында Егор Казаринов, Христина Мацокина, Ольга Кучерук һәм Яна Кирпиченко да бар. Алар барысы да Идел буе физик культура, спорт һәм туризм академиясе студентлары. Бүген кич чаңгычыларны тантаналы рәвештә Универсиадага озатачаклар. Тантанада Олимпия чемпионы Николай Зимятов белән дөнья чемпионы Александр Завьяловның да катнашуы көтелә.

Сүз уңаеннан, бүген ярышларның соңгы көнендә масс-стартта Татарстан чаңгычылары Егор Казаринов – алтын, Нияз Таипов көмеш медаль яулады.



ФОТОлар: ski-tatarstan.ru