«УМНИК» ИННОВАЦИОН ПРОЕКТЛАР БӘЙГЕСЕ: ЯРТЫ МИЛЛИОНЛЫК ГРАНТ КЕМГӘ ЭЛӘГЕР?

18 ноябрь көнне Казанда «Умник» программасының өч көнлек финалы тәмамланды, биредә Татарстанның 72 яшь инноваторы үз проектларын тәкъдим итте. Быел инновацион проектлар бәйгесенә 134 гариза килгән. Финалга узган 72 катнашучы исә өч көн дәвамында проектларын экспертлы жюрига тәкъдим итте.

Эшләр алты юнәлеш буенча кабул ителгән: цифрлы технологияләр, медицина һәм сәламәтлек технологияләре, яңа материаллар һәм химик технологияләр, яңа җайланмалар һәм интеллектуаль җитештерү технологияләре, биотехнологияләр һәм ресурсларны саклый торган энергетика.

Бәйге 18 яшьтән алып 30 яшькә кадәр инновацияләргә ярдәм фонды тарафыннан үткәрелә. Оешма яшь галимнәргә генә түгел, ә стартапларга, эшләнмәләрне коммерцияләштерүгә һәм бизнесны киңәйтүгә ярдәм итүгә дә юнәлтелгән.

Бәйгедә эшләрне бәяләүнең төп критериесе – проектны коммерцияләштерү, ди оештыручылар. Шуңа жюри арасында эшкуарлык берләшмәсе вәкилләре дә бар иде. Алар проектларга продуктка булган сорау, конкурентлы өстенлекләре һәм импортны алмаштыру күзлегеннән бәя бирде. Алга таба региональ жюри проектлар арасыннан егерме иң яхшы эшне сайлап, аларны Инновацияләргә ярдәм итү фондына тәкъдим итәчәк. Җиңүчеләр исемлеге быел билгеле булачак.

Бәйгенең приз фонды 10 миллион сумны тәшкил итә. Җиңгән проектлар һәрберсе 500 мең күләмендә финанс ярдәм алачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
БАЛТАЧ РАЙОНЫ БӨРБАШ УРТА МӘКТӘБЕ УКУЧЫЛАРЫННАН ӘКИЯТЛӘР
1931
0
0
Иҗат
ТЕЛЕФОН ИЯСЕ
5613
0
2
Иҗат
ДУСЛЫК
4689
0
1