Теләче чемпионына - машина!

Быел Мамадышта "Татарстан яшьләре" газетасы призларына узган көрәш ярышларыннан Теләче чемпионы Эмиль Мәүлин машиналы булып кайтып китте!

Теләче районы Шәтке авылыннан үзе Эмиль. Көрәш белән кызыксынуы һәм машиналы булуына әтисе Марсельгә рәхмәтле ул. Спорт белән җенләнгән, заманында хоккей белән шөгыльләнгән әти кеше улын 30 чакрымнан артык ераклыкта урнашкан Теләче үзәгенә даими рәвештә көрәш күнегүләренә йөртә. "Татарстан яшьләре" призына 17-18 яшьлекләр арасындагы ярышка исә Марсель әфәнде улы Эмильгә шундый сүзләр әйтә: "Әгәр Татарстан чемпионы булсаң, машина бүләк итәм!"

Финалда 4:1 белән җиңелеп барганда Эмильнең уйлары нинди булганын үзе генә беләдер. Шулай да бөтен егәрен һәм әзерлеген эшкә җигеп ул көндәшен җиңеп үз авырлыгында җиңү яулый! Бүләкләү тантанасында исә әтисе аңа яңа "Лада X-Ray” машинасы ачкычларын тапшыра.

⁃ Теләче районында, гомумән, яшьләр белән эшләү нәтиҗәләрен күрсәтә башлады. 17-18 яшьлекләр арасында 11 елдан соң призлы урын яуладык. "Сабантуй" ярышларында да өчлеккә кердек, - ди Теләченең данлыклы көрәшчесе, бүген исә тренерлык эшен алып баручы Илдар Гыйниятуллин. Сүз уңаеннан, әтисе Сәгыйть абый да заманында улларын машина белән кызыксындырган булган. Татарстанның спорт остасы исеменә беренче булып ия булган улына ул "ундүртле" модель бүләк итәргә сүз биргән. Машинаны Илдар откан.

[embed]https://youtu.be/Zs6zzEtgm7E[/embed]

Җиңүчеләр исемлеге:






 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар