ТДИ БАРЫ ТИК РУС ТЕЛЕ ҺӘМ МАТЕМАТИКАДАН ГЫНА БУЛАЧАК

9нчы сыйныф укучылары быел Төп дәүләт имтиханнарын (ОГЭ) бары тик мәҗбүри предметлардан – рус теле һәм математикадан гына тапшырачак. Укучылар үзләре сайлап ала торган имтиханнар үткәрелмәячәк. Моның турында Рособрнадзор хәбәр итә.

– Әлеге тәкъдим төбәкләргә китте. Шуны аңларга кирәк: 9нчы сыйныфларда имтихан тапшыручылар, БДИны тапшыручыларга караганда, күбрәк. Бу – бик күп кеше катнаша торган имтихан, – ди Рособрнадзор башлыгы вазифаларын вакытлыча башкаручы Анзор Музаев.

Әгәр коронавирус пандемиясе аркасында укучылар һәм укытучылар сәламәтлегенә куркыныч туса, БДИны тагын башка вакытка күчерергә мөмкиннәр. Имтихан бары тик укучылар һәм укытучылар сәламәтлеге өчен имин шартларда үтәргә тиеш.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: