Татарстанда сайлау участокларында 3 меңгә якын күзәтүче эшли – Анатолий Фомин

Татарстанда Россия Президентын сайлау буенча участокларда 3 меңгә якын күзәтүче эшли. Бу хакта бүген журналистларга Татарстан Республикасы Иҗтимагый палатасының мәгълүмати-эксперт үзәгендә Татарстан Республикасы Иҗтимагый палатасы рәисе Анатолий Фомин хәбәр итте.

Анатолий Фомин мәгълүмати-эксперт үзәгенең эш тәртибе, мәгълүматның ничек җиткерелүе, нинди ММЧ лар хезмәттәшлек итүе турында сөйләде. Көн дәвамында үзәккә 30 лап эксперт киләчәге турында хәбәр ителде. Бу политологлар, галимнәр, халыкара күзәтүчеләр һәм башкалар. “Пирамида” сарае бүген үзенә күрә дискуссия мәйданчыгы булачак. Мәгълүмати-эксперт үзәгендә 40 ММЧ дан 150 дән артык журналист аккредитацияләнгән.

“Республика, ил һәм бөтен дөнья өчен әһәмиятле вакыйга булган Россия Президентын сайлау буенча күп айлык сайлау алды кампаниясе тәмамланды. Узган елның декабрендә Россия Дәүләт Думасы законга төзәтмәләр кертеп, сайлау хокуклары үтәлешен мониторинглау вәкаләтләрен Россия һәм төбәкләрдәге Иҗтимагый палаталарга йөкләгәч, бу шундук берничә сорау уятты. Ник? Болай булганы юк иде бит? Мин әйтер идем, без моңа таба күптәннән барабыз. Чөнки Иҗтимагый палата төрле юнәлешләрне, иҗтимагый оешмаларны берләштерә. Татарстанда 6 меңгә якын коммерцияле булмаган оешма исәпләнә, алар сәясиләштерелмәгән. Әлбәттә, иҗтимагый оешмалар фикере әһәмиятле. Минемчә, законга төзәтмәләр кертү гадел булды. Безгә мониторинг уздыру йөкләнде. Бу тавыш бирү көне генә түгел, кандидатларның чыгарылуы, сайлау штаблары, сайлау фондлары формалашуын да күзәтү”, - дип белдерде Анатолий Фомин.

Иҗтимагый палата рәисе сайлау процессының барлык этаплары җәмәгать күзәтүчеләре игътибарында булуын билгеләп узды. “Без эшче төркемнәрне формалаштырдык. Алар 3 меңгә якын күзәтүчене өйрәтү белән шөгыльләнде. Бу барлык 43 муниципаль бермәлек вәкилләре. Барлык катламнар тәкъдим ителде. Без сайлау участокларында күзәтүчеләр аеруча объектив бәяләмә бирер дип өметләнәбез. Бүген көн дәвамында 2817 сайлау участогыннан күзәтүчеләрдән мәгълүмат килеп торачак. Без көн азагында йомгак ясарбыз. Эксперт үзәгенең максаты – дискуссияләр уздыру, барлык сәяси көчләр белән очрашу. Көн дәвамында барлык кандидатларның сайлау штаблары җитәкчеләре чыгыш ясаячак. Аларның фикерләрен ишетәчәкбез. Без политологларны, галимнәрне тыңлаячакбыз. Сайлау участоклары ябылгач, якынча нәтиҗәләр игълан итәчәк. Иртәгә, берсе көнгә 6 елга сайланачак Россия Президенты исемен ишетәчәкбез”, - диде Фомин.

Анатолий Фомин, председатель Общественной палаты РТ

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    948
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    823
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    794
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019