Татарстанда сәләтле балалар өчен махсус үзәк булачак

Татарстанда «Сириус» моделе нигезендә сәләтле балалар өчен махсус үзәк булдырырга планлаштыралар.

14нче апрель көнне «Сириус» белем бирү үзәгендә Татарстан Республикасы вице-премьерының урынбасары, Татарстан Республикасы Мәгариф һәм фән министры Рафис Тимерхан улы Борһанов һәм «Талант и успех» белем бирү фонды җитәкчесе Елена Шмелёваның рәсми очрашуы узды. Әлеге очрашу Сәләтле балаларны барлау һәм ярдәм күрсәтү эшен башкара торган региональ үзәкләрнең семинары кысаларында булып узды. Семинарда Россия Федерациясе субъектыннан җыелган кунаклар катнаша. Бу чара 18нче апрельгә кадәр дәвам итәчәк.

Рафис Борханов һәм Елена Шмелёваның эшлекле әңгәмәсе барышында Татарстанның сәләтле балаларын барлаучы һәм ярдәм күрсәтә торган махсус региональ үзәк булдыру концепциясе, әлеге үзәкнең предприятиеләр, белем бирү оешмалары белән хезмәттәшлек мәсьәләләре хәл ителде. 2021 елга кадәр «Сириус» моделе нигезендә оешкан үзәкләр Россиянең бөтен регионнарында да булыр, дип көтелә. Очрашудан соң Татарстан кунаклары өчен «Сириус» фән һәм сәнгать паркы буенча экскурсия оештырылды.

Елена Шмелёва «Перспектива» республикакүләм Концепциясен тормышка ашыру буенча ведомствоара координация советы утырышы вакытында Татарстанга килергә планлаштыра. Әлеге утырыш вакытында «Сириус»ның региональ моделе буенча фикер алышу булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1535
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    516
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    475
    0
    0

Блоглар