Татарстанда көзге каникуллар бер көнгә озынрак булачак

Татарстан укучыларының көзге каникуллары бер көнгә артыграк булачак. Ник дигәндә, каникуллар бәйрәм вакытына туры килә. Бу турыда ТР ның мәгариф һәм фән министры урынбасары Лариса Сулима хәбәр итте. 

“Көзге каникуллар 30 октябрь 5 ноябрь аралыгында узачак. 28 ноябрь – соңгы уку көне, шимбә. 6 ноябрь – республикада бәйрәм көне. Шуңа күрә балалар мәктәпкә 7 ноябрьдә генә килә”, - ди ул.
4 ноябрь – Халыклар бердәмлеге көне, тик 2017 елда ул шимбәгә туры килү сәбәпле, дүшәмбегә күчерелә.

Сүз уңаеннан, көзге каникуллар чорында Татарстан укучылары өчен экскурсияләр оештыру, музей һәм театрларга бару, спорт чаралары уздыру каралган.