ТАТАРСТАНДА ИЮЛЬДӘ НИНДИ ҺАВА ТОРЫШЫ КӨТЕЛӘ?

Июль аенда безне нинди һава торышы көтә?

Татарстанда җәйнең икенче аенда һава торышы уртачаны тәшкил итәчәк. Июль аеның һава торышы турында тулырак КФУ профессоры, метеорология, климатология һәм атмосфера экологиясе кафедрасы җитәкчесе Юрий Переведенцев менә нәрсәләр сөйли:

- Июнь нормадан салкынрак килде, - дип билгеләп уза белгеч, - температура шактый түбән булды. Моңа салкын фронт сәбәпче. Киләсе атнада температура нормадан 3-4 градуска түбәнрәк булачак. 2 июльдән җылыта башлаячак.

Шулай ук профессор июль аеның коры булачагы турында да хәбәр итә:

- Июль коры киләчәк, явым-төшемнең нормадан түбән булуы көтелә. Температурага килгәндә, ул уртача булачак.

Юрий Переведенцев быелгы җәйдә һава торышының алмашынучан булуы турында да әйтә. Аның сүзләренчә, һава торышындагы үзгәрешләрне авыр кичерүчеләргә бигрәк дә кыенга туры килергә мөмкин.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: