Татарстан таможнясы 2018 елга нәтиҗә ясады

2018 ел Татарстан таможнясы өчен үзгәрешләр елы булган. Федераль таможня хезмәте электрон таможнялар булдыра башлаган. Хәзер алар Россиядә барлыгы өчәү – Идел буе, Төньяк-Кавказ һәм Урал федераль округында. Электрон таможняга күчү эшләре 2020 елда тәмамланырга тиеш. Тиздән таможня аша уза торган әйберләр 99 проценты электрон форматта теркәләчәк.

Татарстан таможнясы фактик контроль таможнясы статусы алган. Аның хезмәткәрләре 200гә якын вәкаләткә ия. Таможня аша уза торган импорт товарларның шактыен транспорт чараларының сәнәгать җиһазлары, пластмасса эшләнмәләре алып тора. Экспортка килгәндә, алар арасында химия сәнәгате, машина төзелеше продукциясе һәм башка эшләнмәләр бар. Моның турында Татарстан таможнясы башлыны, таможня хезмәтенең генерал-майоры Альберт Мавликов җиткерде.

Әлеге хезмәт аша узып, ялган, дип табылган товарларга клеенка, конфетлар, дарулар, кием-салым, аяк киеме, тәмәке кергән. Шундый 289 очрак теркәлгән. Шушы товарларның гомуми суммасы 14 миллионга якын.

Чит илгә чыгучыларны да таможня хезмәткәрләре тикшерә. “Казан” һәм “Бегишево” аэропортлары аша безнең гражданнар Әзербайҗан, Таиланд, Таҗикстан, Финляндия, Чехия, Үзбәкстан, Испания, Болгария, Греция, Кытай, Кипрга очкан. Әлбәттә, иң популяры булып һаман да Төркия кала. Таможня чиген узган пассажирларның саны – 1 миллион 124 мең кеше.

Ә Казан почта таможня посты халыкара посылкаларны да кабул итә. Иң күп посылкалар Кытай, Сингапур, Италия, Германия, Корея, Һиндстаннан керә. 5 миллионнан артык халыкара посылкаларның 8 меңнән күбрәге рөхсәт ителмәгән булып чыккан. Аларның күбесе – салкын корал, пычак, балык ятьмәләре, составында көчле матдәләр булган дару препаратлары.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    884
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    630
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар