ТАТАРСТАН ЧАҢГЫЧЫЛАРЫ ЯҢА ҮРЛӘР ЯУЛЫЙ

Кичә 3нче декабрьдә Хакасия республикасында «Хакасия Кубогы» россиякүләм чаңгы ярышлары тәмамланды. Анда Татарстан спортчылары да катнашып, бик яхшы нәтиҗәләр күрсәтте. Алар барлыгы 2 алтын, 3 көмеш һәм 2 бронза медаль яулауга иреште.

Кичә, 3 декабрьдә, классик стильдә 10 һәм 15 километрга шәхси узышлар үткәрелде. Халыкара класслы спорт мастеры Алия Иксанова әлеге узышта өченче урынга лаек булды. Россия җыелма командасыннан Христина Мацокина – 4нче, Светлана Кузнецова – 5нче урыннарда. Ир-атлар арасында исә Андрей Феллер – 4нче, Сергей Ардашев – 5нче булып килде.

Шунысын да билгеләп үтү кирәк, бу ярышлар чаңгы узышлары буенча Көнчыгыш Европа континенты Кубогының бер этабы иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: