СУ АСТЫНДА НИЛӘР БАР?

Әле күптән түгел генә Иорданиянең Акаба шәһәре янында яңа музей ачылды. Моның нәрсәсе гаҗәп, дисезме?! Гаҗәп шул, чөнки әлеге музей су астында урнашкан!

Кызыл диңгездә, ә дөресерәге, коралл рифларында төпләнгән музей сугыш техникасына багышланган. Шунысы кызык, ул бина итеп төзелмәгән, экспонатлар исә коралл рифлары өстенә тезелеп киткән...

Экспонатларга килгәндә, алар бүгенге көндә 19 данәне тәшкил итә. Монда танклар, десант суднолары, хәтта вертолёт та бар! Аларның сигезен 20 метрга, калган унберен 28 метр тирәнлеккә төшергәннәр. Экспонатларны бу рәвешле урнаштыру сәбәпле, туристлар хәрби техниканы су асты көймәсе яки акваланг ярдәмендә карарга мәҗбүр булачаклар.





“Әлеге сугыш техникасына багышланган музейның экспонатларын без төгәл тактика буенча тездек. Биредә танк һәм вертолётлардан тыш, хәрби кран, ашыгыч ярдәм машинасы һәм тагын бик күп техника бар”, – ди су асты музеен оештыручылар.

Дуслар, әгәр Иорданиягә барырга туры килсә, һичшиксез әлеге музейга барырга онытмагыз. Диңгездә урнашкан коралл рифлары белән бергә хәрби техниканы әле тагын кайда күреп була бит, шулаймы!?

Илүзә Касыймова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    679
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    540
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    332
    0
    0

Блоглар