"СТУДЕНТЛАР ЯЗЫ-2018": ҖИҢҮЧЕ КЕМ?

“Студентлар язы-2018”: җиңүчеләрнең исеме ачыклануга санаулы сәгатьләр калып бара. 

11 майда “Уникс” концертлар залында Республикакүләм “Студентлар язы-2018” (“Студенческая весна-2018”) фестиваленең гала-концерты узачак. Бу көнне Россиянең “Студентлар язы”на баручыларның, ягъни җиңүчеләрнең исеме билгеле булачак. Быел ул Ставропольдә, 15-20 май көннәрендә үтә. Татарстанның “Студентлар лигасы” президенты Элькин Искәндәров әйтүенчә, анда барлыгы 105 делегат юл тотар дип көтелә, алар 14 май көнне кузгалачак.

“Студентлар язы” Россиядә 26нчы тапкыр үткәрелә.



ТР Яшьләр эшләре һәм спорт министрлыгының балалар һәм яшьләр оешмалары белән эшләү бүлеге мөдире Владислав Усанов:

- “Студентлар язы” - бүгенге көндә үз тарихы булган зур вакыйга, студент тормышының аерылгысыз өлеше. Ул - ел дәвамында студенлар өчен оештырылган иң төп, мөһим чараларның берсе. Россиякүләм “Студентлар язы” Татарстанда да берничә тапкыр үткәрелде. Мисал өчен, аның беренчесе 2001 елда уздырылса, соңгысы 2016 булып узды. Ә инде фестивальнең Республика күләмендә уздырылганына килсәк, анда ел саен 3000 гә якын кеше катнаша.

Җиңүчеләргә, традиция буенча, “Казан песие” (“Казанский кот”) сыны биреләчәк.

Казан шәһәренең балалар һәм яшьләр эшләре башкарма комитеты рәисе Айрат Фәизов: 
- Фестиваль җиңүчеләре өчен иң зур бүләк – ул Россиякүләм уздырылган “Студентлар язы”нда катнашу мөмкинлеге. Шуларга өстәп, аларга төрле истәлекле бүләкләр, дипломнар да тапшырылачак.

Гала-концертка керү ирекле, моның өчен “Студентлар лигасы” сайтында теркәлергә генә кирәк.


“Студентлар язы” фестивале турында фактлар: 
- 2018 елның 1-3 май көннәрендә сайлап алу турлары уздырылды; 
- анда 2500 студент, 315 команда катнашты; 
- Россиякүләм “Студентлар язы” 15-20 май көннәрендә Ставропольдә узачак; 
- Казанда ул өч тапкыр (2001, 2009, 2016 еллар) узган; 
- Ставропольгә 14 май көнне Татарстаннан барлыгы 105 кеше кузгалачак; 
- Россия буенча әлеге фестиваль 26 тапкыр уздырыла. 

Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1047
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    558
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    435
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019