“Созвездие-Йолдызлык” фестивале – Россия байлыгы”

Севастопольдә, Офицерлар йортында Татарстанның “Созвездие-Йолдызлык” эстрада сәнгате фестивале лауреатлары һәм Дәүләт театраль сәнгать институты студентларының зур бәйрәм концерты узды.

Үз чыгышларын Татарстан талантлары Россиянең Кара диңгез флотына 235 ел тулуга багышлады. Офицерлар, матрослар һәм Севастополь халкы алдында Татарстанның 20 шәһәр һәм районнарыннан 200 артык яшь артист чыгыш ясады. Алар – Казанның «Шарм» һәм «Изумрудный город» бию коллективлары, Чаллының «Лик» хореография студиясе, Байлар Сабасыннан «Яшьлек» ансамбле, Баулыдан «Даринки» вокаль ансамбле, Питрәчтән «Пластилин» студиясе, Яшел Үзәннән «Орфей» һәм «Импульс» йолдызчыклары.

Коллективларның җитәкчеләрен һәм фестивальнең мөгаллимнәрен Кара диңгез флотының мактау грамоталары белән бүләкләделәр. Сәламләү сүзендә флотның башкомандующие, вице-адмирал Александр Моисеев “Созвездие-Йолдызлык”ны Россиянең байлыгы дип атады, аның аерым мәдәни-белем бирү һәм патриотик өлешен искәртте.

«Созвездие-Йолдызлык» фестивале безнең илдә гражданнарны тәрбияләү буенча гаҗәеп проект. Аның киңлекләре, үсеп килүче буын белән күпьеллык нәтиҗәле эш системасы аның уникальлеген һәм кирәклеген дәлилләде. Бу хәрәкәтне, чынлап та, Татарстанның гына түгел, ә Россиянең байлыгы дип атарга була. Бу очракта Татарстан Президенты һәм Хөкүмәтенең үз эшләрен җиренә җиткереп үтәүләрен ассызыклар идем», - дип билгеләде ул.

Фестиваль концертлары Кырымда 6-24 июль көннәрендә җәйге иҗат сменасы кысаларында узачак. Иҗат сменасы Татарстан Президенты Рөстәм Миңнеханов, ТР Яшьләр министрлыгы, Севастопольнең мәдәният идарәсе ярдәме белән, шулай ук Россия Федерациясенең ЮНЕСКО эшләре буенча Комиссия эгидасы астында үтә.

Бу атнада “Созвездие-Йолдызлык”ның концертлары “Артек” халыкара балалар үзәгендә һәм Бахчасарайда узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1633
    0
    6
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    504
    0
    0
  • 18 февраль 2021 - 14:35
    ЙӨРӘК СЕРЛӘРЕ (ХИКӘЯ) Ниһаять көтеп алынган гашыйклар көне  килеп җитте. Барысы да бер-берсеннән яшерә-яшерә бүләкләр әзерлиләр. Ясминә дә бу көнне зарыгып көтте. Аңа күптәннән инде Нияз ошый. Ул аңа яшерен генә бүләк әзерләде.  Ләкин ул бүләкне ничек бирергә икәнен генә һич уйлап таба алмады.
    407
    0
    0

Блоглар