Смартфон уйнап... сукырайган

Кытай провинциясе Дунгуань шәһәрендә яшәүче 21 яшьлек Гуандунның озак вакыт смартфонда уйнап утырганнан соң уң күзе күрми башлаган. Бу хакта South China Morning Post чыганагы хәбәр итә. Мәгълүм булганча, кыз көне буе берөзлексез телефонында уйнап утырган. Шуннан соң хастаханәгә эләккән, биредә аңа уң күз тышлыгы окклюзиясе дигән диагноз куйганнар. Табиблар артык озак вакыт телефонга төбәлеп утырганга күзләр ялкынсынган дип белдерә. 

"Иртән эшкә чыгарга кирәк булмаганда, мин, гадәттәгечә, 6-да торам, ашап алам да уйнарга утырам. Көндезге 4-ләргә кадәр уйныйм, аннары тагын ашыйм, әзрәк йоклыйм һәм төнге 1-гә кадәр уйнавымны дәвам итәм", - дип сөйләгән кыз.

Апрель аенда Циндао шәһәрендә яшәүче 14 яшьлек кыз көн саен смартфонын озак вакыт кулланганга күрә муены травма алган. Табиблар хәбәр иткәнчә, ул муенын кире турайта алмаячак, чөнки умыртка баганасына зур зыян килгән. Бу беренче очрак кына түгел икән инде, 10 яшьлек малайның да әти-әниләре шушы проблема белән мөрәҗәгать иткән.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
БЕР ТЕЛЕМ ИПИ
997
0
0
Иҗат
ГОМЕРЛЕК САБАК
1193
0
0
Иҗат
«УТКИН МУЖ»
1243
0
0