«СӘЛӘТ» ОНЛАЙН ҖЫЕНЫ НИЧЕК УЗДЫ?

19 апрельдә “Сәләт” яшьләр фонды беренче тапкыр онлайн рәвшетә “Сәләт җыены”н уздырды. Бу 12 сәгатьлек җанлы аралашу иде. Татар һәм рус телләрендә барган онлайн-чарада “Сәләт” кунаклары, дуслары, фикердәшләре чыгыш ясады. Хәтта төрле илләрдән булган ватандашларыбыз да бу җыенга кушылды.

“Сәләт җыены”нда 2020 елгы профиль сменаларына сайлап алынган, шулай ук “Сәләт” сайтында махсус гариза тутырган кешеләр катнашты. Әгәр чараны оештыруда 100 кеше катнашса, аны караучылар саны 9 меңнән арткан.

Әлеге җыен Биләрдәге чын форум кебек иде. Аерма тик шунда: барысы да виртуаль рәвештә барды. Җыен иртәнге зарядка, гимн җырлау, “Сәләт” әләмен күтәрүдән башланып китте. Хәзерге вакытта илдә үзизоляция чоры булса да, “сәләт”леләр җәйгә якты өметләр белән яши, җәйге сменалар, “Сәләт” форумнары гадәттәгечә узар дигән нияттә алар. Әлеге чара дәвамында быелгы “Сәләт” аланнары директорлары һәрберсе үз сменасы турында сөйләде. Хәзерге вакытта аларга гадәттәге режимда әзерлек бара икән. Быел “Сәләт” IX халыкара яшьләр уку-укыту форумы узачак. Гомумән алганда, ул 55 көн дәвам итәчәк. Анда 15 мең кеше катнашу көтелә.

Татарстан яшьләр эшләре министры Дамир Фәттахов туры эфирда “Сәләт җыены онлайн” катнашучылары сорауларына җавап бирде. “Бу – бик шәп формат. “Сәләт” заманага карап шуның кадәр тиз яраклаша алуына бик шатмын. “Сәләт” илдә шундый онлайн-форумны беренче булып уздыра, дисәм дә, ялгыш булмас. Бу “Сәләт”нең чын йөзен күрсәтә һәм башка оешмалардан аерып тора. Сез – шәп, без сезне яратабыз”, – ди министр.

Кулинар мастер-классларга да урын табылды онлайн-җыенда: биредә  “Сәләт” яшьләр үзәге директоры Айгөл Габдрахманова өчпочмак пешерде. Кичке ашка исә EDUabroad.pro проекты авторы Алинә Садриева туры эфир аша кыстыбый пешерергә өйрәтте.

Бу көнне “Сәләт” бөтен дөньяны берләштерде. Канада, АКШ, Австралия, Австрия, Испания, Төркиядән турыдан-туры тоташтырулар шуның турында сөйли. “Сәләт кичләре” шагыйрьләр баттлы исә шигырь сөючеләрне үзенә җыйды. Әйдаманнар, сәлкешләр Габдулла Тукай, Илдар Юзеев, Шәүкәт Галиев, Мөдәррис Әгъләмов шигырьләрен укыды. Параллель рәвештә шахмат буенча онлайн-турнирда катнашты. Шулай ук интеллектуаль чара да узды.

“Сәләт җыены онлайн” “фатирник” форматындагы концерт белән тәмамланды. Анда музыкант, җырчы, композитор AYGYUL (Вена), Илназ Сафиуллин, «The Cheeklaweek» музыкаль коллективы авторы һәм җитәкчесе Зәринә Вилданов чыгыш ясады.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    877
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    628
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    529
    0
    0

Блоглар