РӨСТӘМ МИҢНЕХАНОВНЫҢ ЧЫГАРЫЛЫШ СЫЙНЫФ УКУЧЫЛАРЫН КОТЛАВЫ

Кадерле чыгарылыш сыйныф укучылары, ата-аналар һәм укытучылар!

Сезне тормышыгыздагы истәлекле вакыйгаларның берсе – мәктәпне тәмамлау уңаеннан чын йөрәктән тәбрик итәм! Бүген, 27 июньдә, илебезнең барлык чыгарылыш сыйныф укучылары өчен Бөтенроссия чыгарылыш кичәсе билгеләп үтелә. Кызганыч, быел коронавирус йогышлы авыруы таралу сәбәпле бәйрәм дистанцион рәвештә уза. Пандемия шартларында белем алу һәм имтиханнарга әзерләнү сезнең өчен беренче җитди сынау булды, мөгаен. Шуңа да карамастан, мөгаллимнәрегез һәм әти-әниләрегезнең булышлыгы белән сез бар көчегезне туплап, әлеге авырлыкларны җиңеп чыга алгансыз, дип ышанам. 

Сезнең өчен инде соңгы кыңгырау яңгырады. Олы тормыш юлына аяк басканда мәктәптә укыган чорның кабатланмас мизгелләре, һәрвакыт ярдәм кулы сузарга әзер укытучылар һәм сыйныфташлар аеруча кадерле була. Еллар узар һәм сез остазларыгыз биргән белем-күнекмәләрнең ни дәрәҗәдә файдалы һәм әһәмиятле булуын тагын да яхшырак аңларсыз.

Бүгенге иҗтимагый һәм икътисадый чынбарлык мәгариф системасы алдына яңа таләпләр куя, ул –креатив фикер йөртүче, югары квалификацияле, конкурентлыкка сәләтле белгечләр әзерләү. 

Сез мөһим тарихи вакыйгалар – Хәтер һәм дан елы һәм Татарстан АССР төзелүнең 100 еллыгы бәйрәм ителгән елда мәктәпне тәмамлыйсыз. Без сезнең белән бергә туган республикабыз үсеш-алгарышының шанлы сәхифәләрен хәтеребездә яңартабыз, илебез тарихында  аның гаять зур роль уйнавын билгеләп үтәбез.

Мәктәптә алган заманча белемнәр сезгә үз мөмкинлекләрегезне тулысынча ачарга, киләчәктә республикабызның һәм илебезнең тотрыклы социаль-икътисадый үсешенә, аның конкурентлыкка сәләтен арттыруга лаеклы өлеш кертүдә зур этәргеч булыр дип ышанам. Шуны истә тотыгыз, теләк һәм ныклы ихтыяр булганда, һәркем уңышка ирешә ала.Яңа белем һәм тәҗрибәләр туплау юлында тукталып калмагыз, гел алга барыгыз.

Кадерле чыгарылыш сыйныф укучылары!

Сезнең алда һөнәр сайлау белән бәйле катлаулы һәм җаваплы бурыч тора. Киләчәктә сезне зур мөмкинлекләр, кызыклы ачышлар, өмет тулы якты юл көтә. Аны узар өчен күп көч һәм тырышлык кирәк булачак. Ирешкән уңышларыгыз, иҗади сәләтегез сезгә барлык хыял-омтылышларыгызны тормышка ашыруда ярдәм итсен!

 

Әлеге дулкынландыргыч бәйрәм көнендә шулай ук ата-аналарны һәм белем үрләрен яулаганда үз укучыларына терәк-таяныч булган укытучыларны ихлас күңелдән котлыйм. Сезгә үз һөнәрегезгә һәм балаларга булган ихлас мәхәббәтегез, яшь буынга белем-тәрбия бирүдә чиксез зур хезмәтегез өчен олы рәхмәтемне белдерәм. 

Кадерле дуслар!

Һәммәгезгә дә бәхет, тынычлык һәм иминлек телим! Кыю һәм максатчан булыгыз һәм сез, һичшиксез, уңышка ирешәчәксез!

 

Татарстан Республикасы Президенты                                                     Р.Н. Миңнеханов

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2484
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2319
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1965
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019