РОССИЯ ВУЗЛАРЫ СТУДЕНТЛАРНЫ ЯҢА ЫСУЛ БЕЛӘН САЙЛАЯЧАК

Бердәм дәүләт имтиханнарыннан түбән баллар алган укучылар югары уку йортларына керә алу өчен альтернатив мөмкинлеккә ия булачак. Бу турыда "Известия" хәбәр итә.


Аерым югары уку йортлары БДИдан начар баллар җыйган укучыларны да үзләренә ала башларга уйлый. Әмма, андый укучылар төрле чара-конкурсларда еш катнашырга, актив тормыш рәвеше алып барырга тиеш. Үзе сайлаган өлкәдә нинди дә булса ачышлар укучы файдасына янә бер плюс булачак.

Перспективалы студентлар өчен әлеге системаны Санкт Петербург милли тикшеренү университеты, Мәскәү физика-технология институты, Көньяк федераль университеты һәм Ерак Көнчыгыш федераль университеты кулланачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: