РОССИЯ ТҮРӘЛӘРЕНӘ "МОДНЫЙ ПРИГОВОР"?

Россия түрәләренә ничек дөрес киенергә икәнен өйрәтәчәкләр. 18 биттән гыйбарәт булган документны РАНХиГС белгечләре әзерләгән. Business Traditional һәм Business Casual дип аталган бу стиль джинсы чалбардан, артык ачык төсләрдән йөрмәүне күз алдында тота.

Аңлашыла инде, бу - кагыйдә түгел, ә бары киңәшләр генә, һәм, бу киңәшләрнең үтәлү-үтәлмәвен беркем дә тикшермәячәк. Документны төзүчеләрнең берсе Гилана Михайлова фикеренчә, һәр дәүләт эшлеклесенең үз киенү рәвеше бар, һәм нинди очракта нинди киемнең урынлы булу-булмавын барыбыз да яхшы чамалый. Ә дәүләт эшлеклеләре арасында иң зәвыклы киенүчеләрнең берсе дип Россия Президенты Владимир Путинны билгеләп үткәннәр.