РОССИЯ КӨНЕН КАЗАНДА НИЧЕК БӘЙРӘМ ИТӘЧӘКЛӘР?

12 июнь көнне Казанда берничә мәйданчыкта бәйрәм узачак. Бию марафоны да, концерт та көтелә.

Казан “Таврида” арт-кластеры Бөтенроссия акциясенә кушылды. Аның резидентлары Казанның Татарстан урамы 64нче йорт тышында Габдулла Тукай портретын төшерәчәкләр.

“Без – Россия” дип аталган театрральләштерелгән концерт “Арт-сити” торак комплексының бульварында узачак. Ул тамашачыларны республика мәдәнияте белән таныштырачак, туган як турындагы кызыклы фактлар да яңгыраячак. Концерт Татарстанның танылган, бүгенге яшьләр горурланып йөргән мәдәният һәм сәнгать эшлекләренә багышланачак. Чара ахырында артистлар тамашачылар белән бергә Россия гимнын башакарачак. Эпидемиологик вәзгыять аркасында әлеге концертны фатирларның балкон һәм тәрәзәләреннән карарга тәкъдим итәләр.

Казан шулай ук #RussianDance флешмобына да кушылды. Ул “Таврида” арт-кластеры һәм Future Team командасы ярдәме белән булдырылган. Әлеге вакыйгага биюче, хореографлар, милли һәм халык коллективлары кушыла ала. Алар Казан Кремле фонында Folkbeat, Oligarkh «Порушка» җыры астына рус халык биюен башкарып, видеога төшерәчәкләр. Алар социаль челтәрләргә #Tavrida #RussianDance #ТанцуйРоссия #МыВместе хештеглары белән урнаштырылачак. Иң яхшы видеоларны федераль телеканалларда күрсәтәчәкләр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: